മലപ്പുറം: ദേശീയപാത വികസനവുമായി ബന്ധപ്പെട്ട് പി.കെ. കുഞ്ഞാലിക്കുട്ടി എം.പി മുഖ്യമന്ത്രി പിണറായി വിജയനുമായി ചര്‍ച്ച നടത്തി. നിലവിലെ ദേശീയപാത പരമാവധി ഉപയോഗപ്പെടുത്തി ആവശ്യമെങ്കില്‍ മാത്രം കൂടുതല്‍ സ്ഥലം ഏറ്റെടുക്കണമെന്ന് മുഖ്യമന്ത്രിയോട് ആവശ്യപ്പെട്ടു. നിലവിലെ സർവേ പ്രകാരം കൂടുതല്‍ വീടുകള്‍ നഷ്ടപ്പെടുമെന്നും അതിനാല്‍ ജനപ്രതിനിധികള്‍ നല്‍കിയ ബദല്‍ അലൈന്‍മെൻറ് പരിഗണിക്കണമെന്നും ഇരകള്‍ക്ക് പരമാവധി നഷ്ടപരിഹാരം നല്‍കണമെന്നും അദ്ദേഹം ആവശ്യപ്പെട്ടു. ദേശീയപാത വികസനവുമായി ബന്ധപ്പെട്ട് പൊതുമരാമത്ത് മന്ത്രിയുടെ അധ്യക്ഷതയില്‍ തിരുവനന്തപുരത്തും ജില്ല കലക്ടറുടെ അധ്യക്ഷതയില്‍ മലപ്പുറത്തും ചേര്‍ന്ന യോഗത്തിലും ജനപ്രതിനിധികള്‍ പുതിയ അലൈന്‍മെൻറ് നല്‍കിയിരുന്നു. വിഷയത്തില്‍ മുഖ്യമന്ത്രി അനുകൂല നിലപാട് എടുക്കുമെന്നാണ് പ്രതീക്ഷയെന്ന് കുഞ്ഞാലിക്കുട്ടി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.