പെരിന്തൽമണ്ണ: ഗുഡല്ലൂരിൽനിന്ന് പെരിന്തൽമണ്ണയിലേക്ക് വരികയായിരുന്ന കെ.എസ്.ആർ.ടി.സി ബസ് തടഞ്ഞ യുവാക്കൾ ഡ്രൈവറെ മർദിച്ചതായി പരാതി. മേലേ പൂപ്പലത്തിനടുത്ത് ഞായറാഴ്ച ഉച്ചക്ക് 11.45നാണ് സംഭവം. പരിക്കേറ്റ പെരിന്തൽമണ്ണ ഡിപ്പോയിലെ ഡ്രൈവർ, വയനാട് വെങ്ങാപള്ളി കോട്ടപ്പാറ കെ.ജെ. ജോസഫിനെ (52) പെരിന്തൽമണ്ണ ജില്ല ആശുപത്രിയിൽ പ്രവേശിപ്പിച്ചു. സൈഡ് കൊടുക്കുന്നതുമായി ബന്ധപ്പെട്ട തർക്കമാണ് കാരണമെന്ന് പറയുന്നു. ഇരുചക്ര വാഹനത്തിലായിരുന്ന യുവാക്കൾ ബസിന് മുന്നിൽ ബൈക്ക് നിർത്തി, ഡ്രൈവറുടെ ഭാഗത്തെ വാതിൽവഴി കയറി മർദിച്ചതായി കണ്ടക്ടർ വി. അൻവർ പെരിന്തൽമണ്ണ പൊലീസിൽ പരാതി നൽകി. മുൻവരിയിലെ പല്ലിന് ഇളക്കം തട്ടിയതായി ജോസഫ് പറയുന്നു. ബൈക്കിെൻറ നമ്പർ ലഭിച്ചതിനാൽ യുവാക്കളെ തിരിച്ചറിഞ്ഞിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.