മേലാറ്റൂർ: ചെമ്മാണിയോട് ജി.എൽ.പി സ്കൂൾ നവതി ആഘോഷങ്ങളുടെ ഉദ്ഘാടനം മഞ്ഞളാംകുഴി അലി എം.എൽ.എ നിർവഹിച്ചു. മേലാറ്റൂർ ഗ്രാമപഞ്ചായത്ത് പ്രസിഡൻറ് വി. കമലം അധ്യക്ഷത വഹിച്ചു. ഗ്രാമപഞ്ചായത്ത് സ്ഥിരംസമിതി ചെയർമാൻ എ. അജിത്ത് പ്രസാദ് റാങ്ക് ജേതാക്കളെ അനുമോദിച്ചു. സർവിസിൽനിന്ന് വിരമിക്കുന്ന വി.ആർ. രോശിനിക്കുള്ള ഉപഹാരം എം.എൽ.എ സമ്മാനിച്ചു. പൂർവ വിദ്യാർഥി സംഘടനയുടെ വകയായുള്ള കമ്പ്യൂട്ടറുകളും അനുബന്ധ ഉപകരണങ്ങളൂം വി. ശശീന്ദ്രൻ പി.ടി.എ പ്രസിഡൻറ് കെ.ടി. അനിൽകുമാറിന് കൈമാറി. പി.കെ. സക്കരിയ്യ, പി. രാമചന്ദ്രൻ, എം. വാസുദേവൻ, എ.എം. ശ്രീജ, കെ.എം. ജയവേണി, ടി.പി. വിജയകുമാരൻ, എ. സുഹൈൽ എന്നിവർ സംസാരിച്ചു. പ്രധാനാധ്യാപകൻ കെ. മുഹമ്മദ് അഷ്റഫ് സ്വാഗതവും സജി വാര്യർ നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.