എടക്കര: മുപ്പിനി പ്രതീക്ഷ ആര്ട്സ് ആന്ഡ് സ്പോര്ട്സ് ക്ലബ് പുന്നപ്പുഴയില് നടത്തിയ വള്ളംകളിയില് കരുളായി യുവസ്റ്റാര് മുക്കം ജേതാക്കളായി. ഫ്രാങ്ക് യൂത്ത് ക്ലബ് മൂത്തേടം രണ്ടാം സ്ഥാനവും അല് അമീന് പടക്കുതിര പാലാങ്കര മൂന്നാം സ്ഥാനവും നേടി. ജലോത്സവം രക്ഷാധികാരി ഫാ. റോയി വലിയപറമ്പില് പതാക ഉയര്ത്തി. നയമ്പ് കൈമാറ്റവും സമ്മാനദാനവും എ.ടി. റെജി നിര്വഹിച്ചു. പൊറ്റയില് കുഞ്ഞാണി അധ്യക്ഷത വഹിച്ചു. ജില്ല പഞ്ചായത്ത് അംഗങ്ങളായ ഇസ്മായില് മൂത്തേടം, ഒ.ടി. ജെയിംസ്, സറീന മുഹമ്മദലി, ഷെര്ലി വര്ഗീസ്, ഗ്രാമപഞ്ചായത്ത് അംഗങ്ങളായ സൈറാബാനു, മുജീബ്കോയ, ഡെയ്സി മത്തായി, ഷൈനി പാലക്കുഴി, കബീര് പനോളി എന്നിവര് സംസാരിച്ചു. ബിനു എബ്രഹാം സ്വാഗതവും ഇബ്രാഹീം മുപ്പിനി നന്ദിയും പറഞ്ഞു. തിരുനാളും കുരിശടി കൂദാശയും ഇന്ന് എടക്കര: മാമാങ്കര സെൻറ് മേരീസ് മലങ്കര കത്തോലിക്ക ദേവാലയ തിരുനാളും കുരിശടി കൂദാശയും വെള്ളിയാഴ്ച നടക്കും. രാവിലെ ഒമ്പതിന് തിരുനാള് കുര്ബാന നടക്കും. തുടര്ന്ന് കുട്ടികളുടെ ആദ്യകുര്ബാന സ്വീകരണം. പ്രോട്ടോ വികാരി ഫാ. മാത്യു അറമ്പന്കുടിയില് കാര്മികത്വവും ഫാ. തോമസ് മേനേക്കാട്ടില് സഹ കാര്മികത്വവും വഹിക്കും. 12.30ന് താഴ മാമാങ്കരയില് പുതുക്കിപ്പണിത കുരിശടി വെഞ്ചരിപ്പ് നടക്കും. ബത്തേരി രൂപതാധ്യക്ഷന് ഡോ. ജോസഫ് മാര് തോമസ് മെത്രാപ്പോലിത്ത നേതൃത്വം നല്കും. തുടര്ന്ന് സ്നേഹവിരുന്ന് നടക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.