മലപ്പുറം: അണ്ടർ 19 ഐ ലീഗ് ഫുട്ബാളിൽ ബൂട്ടുകെട്ടിയ മലപ്പുറത്തുകാരൻ സഫ്വാൻ മേമന ഇനി വിവ ചെന്നൈ ക്ലബ് താരം. ഒമ്പത് മുതൽ പ്ലസ് ടു വരെ എം.എസ്.പി ഹയർ സെക്കൻഡറി സ്കൂൾ ടീമിെൻറ പ്രതിരോധനിരയിൽ കരുത്തുറ്റ സാന്നിധ്യമായിരുന്നു സഫ്വാൻ. മഞ്ചേരി എൻ.എസ്.എസ് കോളജ് ടീം അംഗവും രണ്ടാം വർഷ ബി.കോം വിദ്യാർഥിയുമാണ്. ചെന്നൈ യുനൈറ്റഡ് ക്ലബിനായും കളിച്ച ഈ ലെഫ്റ്റ് ബാക്ക് പുണെയിൽ ലിവർപൂൾ അക്കാദമിയിൽ ഒരു വർഷം പരിശീലനം നേടിയിട്ടുണ്ട്. പുണെ ഡി.എസ്.കെ ശിവജിയൻസിനു വേണ്ടിയാണ് അണ്ടർ 19 ഐ ലീഗിൽ ഇറങ്ങിയത്. കേരളത്തിെൻറ സന്തോഷ് ട്രോഫി ക്യാമ്പിലേക്കും തെരഞ്ഞെടുക്കപ്പെട്ടിരുന്നു. ഗോകുലം എഫ്.സിയുടെയും ജഴ്സിയണിഞ്ഞു. ബിനോ ജോർജ്, ബിനോയ് സി. ജെയിംസ്, ഷാജിറുദ്ദീൻ, നിഷാദ് തുടങ്ങിയവർ പരിശീലകരാണ്. പടിഞ്ഞാറ്റുംമുറി േമമന അബ്ദുൽ കരീം-ഫാത്തിമ ദമ്പതികളുടെ മകനാണ്. mplrs3 safvan memana സഫ്വാൻ മേമന
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.