കൊണ്ടോട്ടി: മോയിൻകുട്ടി വൈദ്യർ മാപ്പിളകല അക്കാദമി ഓണാഘോഷം തിരുവനന്തപുരത്തും തലശ്ശേരിയിലുമായി നടക്കും. ഓണാഘോഷത്തിെൻറ ഭാഗമായി വിനോദ സഞ്ചാരവകുപ്പ് തിരുവനന്തപുരം നിശാഗന്ധി ഓഡിറ്റോറിയത്തിൽ സംഘടിപ്പിച്ച വാരാഘോഷത്തിൽ സെപ്റ്റംബർ ആറിന് വൈകീട്ട് ഏഴിന് മാപ്പിളകല അക്കാദമി അവതരിപ്പിക്കുന്ന അറബനമുട്ട്, ദഫ് മുട്ട് എന്നിവ അരങ്ങേറും. സംസ്ഥാന ചലച്ചിത്ര അക്കാദമി അവാർഡ് വിതരണത്തോടനുബന്ധിച്ച് തലശ്ശേരി മുനിസിപ്പൽ സ്റ്റേഡിയത്തിൽ സെപ്റ്റംബർ എട്ടിന് വൈകീട്ട് ഏഴിന് കേരള ചലച്ചിത്ര അക്കാദമിയുടെ സഹകരണത്തോടെ വൈദ്യർ മാപ്പിളകല അക്കാദമി ഇശൽ നൈറ്റും സംഘടിപ്പിക്കുന്നുണ്ട്. കെ.എ.ടി.എഫ് സംസ്ഥാന കമ്മിറ്റി അക്കാദമിയുടെ സഹകരണത്തോടെ അധ്യാപകർക്കായി സംഘടിപ്പിക്കുന്ന ദ്വിദിന മാപ്പിളകല ശിൽപശാല വൈദ്യർ അക്കാദമിയിൽ സെപ്റ്റംബർ ആറിനും ഏഴിനുമായി നടക്കും. 14 ജില്ലകളിൽ നിന്ന് പ്രതിനിധികൾ പങ്കെടുക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.