വരോട് സി.പി.എം--ബി.ജെ.പി സംഘർഷം; ആറുപേർക്ക് പരിക്ക് ഒറ്റപ്പാലം: വരോട് ചാത്തൻ കണ്ടാർകാവിൽ നടന്ന സി.പി.എം--ബി.ജെ.പി സംഘർഷത്തിൽ ആറുപേർക്ക് പരിക്കേറ്റു. രണ്ട് ബി.ജെ.പി പ്രവർത്തകർക്കും സി.പി.എമ്മിലെ നാലുപേർക്കുമാണ് പരിക്ക്. പരിക്കേറ്റവരെ താലൂക്ക് ആശുപത്രിയിൽ പ്രവേശിപ്പിച്ചു. തിങ്കളാഴ്ച രാവിലെ 11ഓടെയാണ് സംഭവം. ഞായറാഴ്ച രാത്രി ഒറ്റപ്പാലം എൻ.എസ്.എസ്.കെ.പി.ടി ഹൈസ്കൂൾ പരിസരത്ത് ഇരുവിഭാഗവും തമ്മിൽ വാക്തർക്കം നടന്നിരുന്നു. ഇതിെൻറ തുടർച്ചയാണ് തിങ്കളാഴ്ചത്തെ സംഘർഷമെന്ന് പൊലീസ് പറഞ്ഞു. സംഭവത്തിൽ 10 പേർക്കെതിരെയും കണ്ടാലറിയാവുന്ന ഏതാനും പേർക്കെതിരെയും ഒറ്റപ്പാലം പൊലീസ് കേസെടുത്തു. ബി.ജെ.പി പ്രവർത്തകൻ വരോട് മാത്തുപറമ്പിൽ വിഷ്ണു നൽകിയ പരാതിയിൽ സി.പി.എമ്മിലെ ആറുപേർക്കെതിരെയും സി.പി.എം പ്രവർത്തകൻ അജിത്ത് നൽകിയ പരാതിയിൽ ബി.ജെ.പിക്കാരായ നാലു പേർക്കെതിരേയുമാണ് കേസ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.