കുറ്റിപ്പുറം: ജീവിത പ്രതിസന്ധി തീർക്കാൻ തൂമ്പയും അരിവാളും ൈകയിലേന്തി എല്ലാ ദിവസങ്ങളും തൊഴിലിനിറങ്ങിയപ്പോൾ ദേവകിയോർത്തില്ല, തലസ്ഥാന നഗരി കാണാനും പ്രധാനമന്ത്രിയുടെ അടുത്തിരുന്ന യോഗത്തിൽ പങ്കെടുക്കാനുമുള്ള നറുക്കാണിതെന്ന്. നമുക്കൊന്നും ഡൽഹി കാണാനുള്ള വിധിയുണ്ടാകില്ലെന്ന് കൂടെ തൊഴിലെടുത്തവരോട് പറയുമ്പോഴും ദേവകിയോർത്തില്ല തലസ്ഥാന നഗരി ചുറ്റാനും പാർലമെൻറ് മന്ദിരം കാണാനും അവസരം ഒരു വിളിപ്പാടകലെയുണ്ടെന്ന്. ഒക്ടോബർ 10, 11 തീയതികളിൽ ഡൽഹിയിൽ നടക്കുന്ന ദേശീയ തൊഴിലുറപ്പ് ദിനത്തിൽ (നാഷണൽ ലെവൽ കൺസൾട്ടേഷൻ ഓൺ ലൈവിലി ഹുഡ് ഡെവലപ്മെൻറ് ആൻഡ് ഡൈവേർസിഫിക്കേഷൻ) പങ്കെടുക്കാനാണ് കുറ്റിപ്പുറം പഞ്ചായത്തിലെ പത്താം വാർഡ് പുല്ലാട്ട് കുളമ്പിൽ ദേവകിക്ക് അവസരം ലഭിച്ചത്. 2016-17 വർഷത്തിൽ 100 ദിവസം തൊഴിലുറപ്പ് പദ്ധതിയിൽ പൂർത്തിയാക്കിയതിനാണ് ഈ അംഗീകാരം. പാർലമെൻറ് സെൻട്രൽ ഹാളിൽ നടക്കുന്ന ചടങ്ങിൽ പ്രധാനമന്ത്രിയാണ് അധ്യക്ഷത വഹിക്കുക. സംസ്ഥാനത്ത് നിന്ന് 14 പേരും ഉദ്യോഗസ്ഥരുമായി 27 പേരാണ് എറണാകുളം-നിസാമുദ്ദീൻ എക്സ്പ്രസിൽ ശനിയാഴ്ച രാത്രി തൃശൂരിൽനിന്ന് യാത്ര തിരിച്ചത്. ഓരോ ജില്ലയിൽനിന്നും ഒരാൾക്കുള്ള അവസരം ലഭിച്ചത് അറിയാതെ ശനിയാഴ്ചയും ദേവകി ജോലിക്ക് പോയിരുന്നു. ദേവകിക്ക് കൂട്ടായി എ.ഡി.സി രഞ്ജിത, ജോയൻറ് ബി.ഡി.ഒ ആയിഷ എന്നിവരാണുള്ളത്. photo: tir ml2 ഡെൽഹിയിലേക്ക് യാത്ര തിരിക്കുന്ന കുറ്റിപ്പുറം പഞ്ചായത്ത് പത്താംവാർഡ് അംഗം ദേവകിക്ക് പഞ്ചായത്ത് പ്രസിഡണ്ടിെൻ്റ നേതൃത്വത്തിൽ യാത്രയയപ്പ് നൽകുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.