വളാഞ്ചേരി: പൊതുവിദ്യാഭ്യാസ സംരക്ഷണ യജ്ഞത്തിെൻറ ഭാഗമായി ‘നമുക്കൊരുക്കാം, അവർ പഠിക്കട്ടെ’ മുദ്രാവാക്യവുമായി എസ്.എഫ്.ഐ സംസ്ഥാന കമ്മിറ്റി കേരളത്തിലെ 400 സ്കൂളുകൾ ഏറ്റെടുക്കുന്നു. ഇതിെൻറ ഭാഗമായി കാട്ടിപ്പരുത്തി ഗവ. എൽ.പി സ്കൂൾ എസ്.എഫ്.ഐ വളാഞ്ചേരി ഏരിയ കമ്മിറ്റിയുടെ നേതൃത്വത്തിൽ ഏറ്റെടുത്തു. ആദ്യഘട്ടമെന്നോണം സ്കൂളിലെ മുഴുവൻ കുട്ടികൾക്കും പഠനോപകരണം വിതരണം ചെയ്തു. എസ്.എഫ്.ഐ അഖിലേന്ത്യ പ്രസിഡൻറ് വി.പി. സാനു ഉദ്ഘാടനം ചെയ്തു. ജില്ല വൈസ് പ്രസിഡൻറ് കെ.എ. സക്കീർ, ഒ.എസ്.എ ചെയർമാൻ ആഷിക്, പി.ടി.എ വൈസ് പ്രസിഡൻറ് ഇബ്രാഹിം എന്നിവർ സംസാരിച്ചു. തുടർന്നുള്ള ദിവസങ്ങളിൽ സ്കൂളിലെ അടിസ്ഥാന സൗകര്യങ്ങൾ മെച്ചപ്പെടുത്തുന്നതിന്നും വാടക കെട്ടിടത്തിൽ പ്രവർത്തിക്കുന്ന സ്കൂൾ സ്വന്തം കെട്ടിടത്തിലേക്ക് മാറ്റുന്നതിനും ഭരണതലത്തിൽ ഇടപെടുമെന്ന് ഭാരവാഹികൾ പറഞ്ഞു. ഏരിയ സെക്രട്ടറി എം. ഫൈസൽ സ്വാഗതവും ഏരിയ പ്രസിഡൻറ് എം. ഷബീർ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.