തേഞ്ഞിപ്പലം: ഹാള്‍ട്ടിങ് നമ്പര്‍ പുതുക്കിനല്‍കാനുള്ള രേഖകള്‍ ഹാജരാക്കാത്ത ഓട്ടോകള്‍ക്കെതിരെ നടപടി സ്വീകരിക്കുമെന്ന് തേഞ്ഞിപ്പലം പൊലീസ് മുന്നറിയിപ്പ് നൽകി. അനധികൃത സർവിസ് നടത്തുന്ന ഓട്ടോകള്‍ക്കെതിരെ നടപടി സ്വീകരിക്കുന്നതിെൻറ ഭാഗമായി സ്റ്റേഷന്‍ പരിധിയിലെ സ്റ്റാന്‍ഡുകളില്‍ സർവിസ് നടത്തുന്ന ഓട്ടോകള്‍ക്ക് ഹാള്‍ട്ടിങ് നമ്പര്‍ പുതുക്കി നല്‍കാൻ വാഹനത്തിെൻറ രേഖകള്‍ ഹാജരാക്കണമെന്ന് പൊലീസ് നേരത്തേ നിര്‍ദേശം നല്‍കിയിരുന്നു. നിര്‍ദേശം അവഗണിച്ച് ഓട്ടോകള്‍ സർവിസ് നടത്തുന്നത് ശ്രദ്ധയില്‍പെട്ടതിെൻറ അടിസ്ഥാനത്തിലാണ് നടപടിക്കൊരുങ്ങുന്നത്. ലൈസന്‍സും ഹാള്‍ട്ടിങ് പെര്‍മിറ്റും അനുബന്ധ രേഖകളും ഇല്ലാതെ ഓട്ടോകള്‍ സർവിസ് നടത്തുന്നതായി പരാതി ലഭിച്ച സാഹചര്യത്തിലും പൊലീസ് സ്റ്റേഷനുകളില്‍ വാഹനത്തിെൻറയും ഡ്രൈവര്‍മാരുടെയും പൂര്‍ണ വിവരം ശേഖരിച്ച് വെക്കുന്നതിെൻറയും ഭാഗമായി ജില്ല പൊലീസ് സൂപ്രണ്ട് നല്‍കിയ ഉത്തരവിെൻറ അടിസ്ഥാനത്തിലാണ് രേഖകള്‍ ശേഖരിച്ച് ഹാള്‍ട്ടിങ് നമ്പര്‍ പുതുക്കി നല്‍കാന്‍ തീരുമാനിച്ചതെന്ന് തേഞ്ഞിപ്പലം എസ്.ഐ സി.കെ. നാസര്‍ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.