വള്ളിക്കുന്ന്: നിയോജക മണ്ഡലത്തിൽ കഴിഞ്ഞ ദിവസങ്ങളിലുണ്ടായ പ്രകൃതിക്ഷോഭത്തിൽ വീടും കൃഷിയും നശിച്ചവർക്ക് സർക്കാർ അടിയന്തര സഹായം അനുവദിക്കണമെന്നാവശ്യപ്പെട്ട് പി. അബ്ദുൽ ഹമീദ് എം.എൽ.എ റവന്യൂ മന്ത്രിക്ക് കത്തുനൽകി. പെരുവള്ളൂർ, മൂന്നിയൂർ, അരിയല്ലൂർ വില്ലേജുകളിൽ നിരവധി പേരുടെ വീടുകൾ പൂർണമായും ഭാഗികമായും തകർന്നിട്ടുണ്ട്. കൃഷി പ്രധാന തൊഴിലായി സ്വീകരിച്ചുവരുന്ന പലരുടെയും കൃഷിയും നശിച്ചിട്ടുണ്ട്. ഇക്കാരണത്താൽ അടിയന്തരമായി ഇടപെട്ട് സർക്കാർ സഹായം നൽകണമെന്നാണ് റവന്യൂ മന്ത്രി ഇ. ചന്ദ്രശേഖരന് നൽകിയ കത്തിൽ എം.എൽ.എ ആവശ്യപ്പെട്ടത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.