മേലാറ്റൂർ: കേരളത്തിലെ നഴ്സിങ് മേഖല ചൂഷണ വിമുക്തമാക്കാൻ സർക്കാർ നടപടി സ്വീകരിക്കണമെന്ന് ജനാധിപത്യ കേരള കോൺഗ്രസ് ചെയർമാൻ ഫ്രാൻസിസ് ജോർജ് ആവശ്യപ്പെട്ടു. പാർട്ടിയുടെ നേതൃപരിശീലന ക്യാമ്പ് മേലാറ്റൂരിൽ ഉദ്ഘാടനം ചെയ്യുകയായിരുന്നു അദ്ദേഹം. മുന്നൊരുക്കങ്ങളില്ലാതെ ജി.എസ്.ടി നടപ്പാക്കിയത് മൂലം ജനങ്ങൾ അനുഭവിക്കുന്ന കഷ്ടപ്പാടുകൾക്ക് അടിയന്തര പരിഹാരം വേണമെന്നും അദ്ദേഹം ആവശ്യപ്പെട്ടു. ദേശീയ രാഷ്ട്രീയം കൂടുതൽ വർഗീയവത്കരിക്കപ്പെടുന്ന ഇക്കാലത്ത് ഇടത് -മതേതര കൂട്ടായ്മയുടെ പ്രസക്തി വർധിച്ചിരിക്കുകയാണ്. ജില്ല പ്രസിഡൻറ് മാത്യൂ സെബാസ്റ്റ്യൻ അധ്യക്ഷത വഹിച്ചു. ഡെപ്യൂട്ടി ചെയർമാൻ പി.സി. ജോസഫ്, ജനറൽ സെക്രട്ടറി എം.പി. പോളി, പള്ളി കുഞ്ഞാപ്പ, കെ.യു. ജോസഫ്, മോഹൻ ജോർജ്, കെ.യു. തോമസ്, പ്രസാദ് എടക്കര, സാബു പൊൻവേലി, പയസ് ജോൺ, എം.എ. വിറ്റാജ്, മാനുവൽ മണിമല, ജോർജ് മൈക്കിൾ, കെ.ടി. സജീവ് കുമാർ എന്നിവർ സംസാരിച്ചു. ജനാധിപത്യ കേരള കോൺഗ്രസ് നേതൃ പരിശീലന ക്യാമ്പ് പാർട്ടി ചെയർമാൻ ഫ്രാൻസിസ് ജോർജ് ഉദ്ഘാടനം ചെയ്യുന്നു
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.