പാലക്കാട്: കൂട്ടുകാരോടൊപ്പം കുളിക്കാൻ കുളത്തിലിറങ്ങിയ എൻജിനീയറിങ് വിദ്യാർഥി കുളത്തിൽ മുങ്ങിമരിച്ചു. പെരിന്തൽമണ്ണ കുണ്ടംകടവ് സ്വദേശി മുഹമ്മദ് യുനൈസ് (20) ആണ് വ്യഴാഴ്ച മരിച്ചത്. പാലക്കാട് അകത്തേത്തറ എൻ.എസ്.എസ് എൻജിനീയറിങ് കോളജിലെ മൂന്നാം സെമസ്റ്റർ വിദ്യാർഥിയാണ് യുനൈസ്. കോഴിപ്പറമ്പത്ത് അബ്ദുൽ ഖാദറിെൻറ മകനാണ്. വ്യാഴാഴ്ച വൈകുന്നേരം ആറുമണിയോടെയാണ് അപകടം. കൂട്ടുകാരോടൊപ്പം കോളജിന് സമീപത്തെ ചാത്തൻകുളങ്ങര ഭഗവതി ക്ഷേത്രത്തിെൻറ ഉടമസ്ഥതയിലുള്ള കോതർകുളത്തിലേക്ക് കുളിക്കാനിറങ്ങിയതായിരുന്നു. നീന്തൽ അറിയുമായിരുന്നിട്ടും കുളത്തിന് നടുവിലെത്തിയ യുനൈസിന് നിയന്ത്രണം തെറ്റുകയായിരുന്നു. കൂട്ടുകാർ രക്ഷിക്കാൻ ശ്രമിച്ചെങ്കിലും സാധിച്ചില്ല. നാട്ടുകാരുടെ സഹായത്തോടെയാണ് യുനൈസിനെ കരക്കെത്തിച്ചത്. മൃതദേഹം പാലക്കാട് ജില്ല ആശുപത്രി മോർച്ചറിയിൽ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.