കോട്ടക്കൽ: ആര്യവൈദ്യശാല ധർമാശുപത്രിയിലേക്ക് മരുന്ന് വാങ്ങാനെത്തിയ വീട്ടമ്മക്ക് റോഡ് മുറിച്ചു കടക്കുന്നതിനിടെ ബസിടിച്ച് പരിക്കേറ്റു. കുറ്റിപ്പുറം മൂടാൽ സ്വദേശി കൊട്ടിലുങ്ങൽ രായിൻ ഹാജിയുടെ ഭാര്യ ഫാത്തിമക്കാണ് (47) പരിക്കേറ്റത്. ബുധനാഴ്ച രാവിലെ എട്ടരയോടെയാണ് അപകടം. ആശുപത്രിക്ക് മുമ്പിൽ ബസിറങ്ങിയ ശേഷം റോഡ് മുറിച്ചു കടക്കുന്നതിനിടെ മറ്റൊരു ബസ് ഇടിക്കുകയായിരുന്നു. തലക്ക് ഗുരുതരമായി പരിക്കേറ്റ ഇവരെ ചങ്കുവെട്ടിയിലെ ആശുപത്രിയിൽ പ്രാഥമിക ചികിത്സ നൽകി പെരിന്തൽമണ്ണയിലെ സ്വകാര്യ ആശുപത്രിയിലേക്ക് മാറ്റി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.