ഫറോക്ക്: സംസ്ഥാന കാഡറ്റ് ആൻഡ് ജൂനിയർ തൈക്വാൻഡോ ചാമ്പ്യൻഷിപ്പിൽ ഫറോക്ക് ചെറുവണ്ണൂർ സ്വദേശിനി ആതിരക്ക് രണ്ടാ ം സ്ഥാനം. തൈക്വാൻഡോ അസോസിയേഷൻ ഓഫ് കേരള സംഘടിപ്പിച്ച 20ാമത് കാഡറ്റ് ആൻഡ് ജൂനിയർ ചാമ്പ്യൻഷിപ്പിൽ 59 കിലോ വിഭാഗത്തിൽ മത്സരിച്ചാണ് ആതിര രണ്ടാം സ്ഥാനം നേടിയത്. ഈ വിഭാഗത്തിൽ മത്സരിച്ചവരിലെ 15 അംഗങ്ങളുള്ള ഗ്രൂപ്പിൽ നിന്നാണ് ആതിര ഈ നേട്ടത്തിനുടമയായത്. എറണാകുളം കളമശ്ശേരി സൗത്ത് ടൗൺ ഹാളിലായിരുന്നു മത്സരം. ഫറോക്ക് ഗവ. ഗണപത് ഹയർ സെക്കൻഡറി സ്കൂളിലെ ഒമ്പതാം ക്ലാസ് വിദ്യാർഥിനിയാണ്. വെള്ളിയാഴ്ച പി.ടി.എ കമ്മിറ്റിയുടെ നേതൃത്വത്തിൽ ആതിരക്ക് സ്വീകരണമൊരുക്കുന്നുണ്ട്. ചെറുവണ്ണൂർ മധുരബസാറിലെ മാടായിക്കൽ സതീശൻ-റീന ബേബി ദമ്പതികളുടെ മകളാണ്. അതുൽ നാഥ്, അജിത്ത് ലാൽ എന്നിവർ സഹോദരന്മാരാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.