പന്തീരാങ്കാവ്: പനി ബാധിച്ച് രണ്ടു ദിവസമായി മിംസ് ആശുപത്രിയിൽ ചികിത്സയിലുള്ള പാലാഴി സ്വദേശിയായ 25കാരെൻറ നില ഗുരുതരമായി തുടരുന്നു. കുറച്ചു ദിവസമായി പ്രാഥമികാരോഗ്യകേന്ദ്രത്തിലും മെഡിക്കൽ കോളജിലും ചികിത്സ തേടിയ യുവാവിനെ ശനിയാഴ്ചയാണ് മിംസിൽ തീവ്രപരിചരണ വിഭാഗത്തിൽ പ്രവേശിപ്പിച്ചത്. പനി 'നിപ'യാണെന്ന് സ്ഥിരീകരിച്ചിട്ടില്ലെങ്കിലും രോഗലക്ഷണങ്ങൾക്ക് ഇതുമായി സാമ്യമുണ്ട്. മാത്രമല്ല, ഓട്ടോ ഡ്രൈവറായ യുവാവ് ദിവസങ്ങൾക്കുമുമ്പ് മാതാവിെൻറ വീടായ പേരാമ്പ്രയിൽ പോയി താമസിച്ചിരുന്നതായി ആരോഗ്യ പ്രവർത്തകർക്ക് വിവരം ലഭിച്ചിട്ടുണ്ട്. വീടിനു സമീപത്ത് ആശങ്കയുളവാക്കുന്ന സാഹചര്യങ്ങളൊന്നുമില്ലെന്ന് ആരോഗ്യപ്രവർത്തകർ പറയുന്നു. രോഗിയുമായി ബന്ധപ്പെട്ടവരെ നിരീക്ഷിക്കുന്നുണ്ട്. ആവശ്യമായ ജാഗ്രത നടപടികൾ കൈക്കൊള്ളുന്നുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.