ഫറോക്ക്: ഫാറൂഖ് കോളജ് പരിസരത്തുള്ള െറസിഡൻറ്സ് അസോസിയേഷനുകളുടെ ആഭിമുഖ്യത്തിൽ ഭക്ഷ്യ-ഗാർഹികോൽപന്ന വിപണനമേള 'സംഗമം 2018'ന് തുടക്കമായി. എഫ്.ഡബ്ല്യു.ആർ.എസ്, മേലെ വടക്കേനി, കുളിർമ, സൗഹൃദം, തീരം റെസിഡൻറ്സ് അസോസിയേഷനുകളുടെ സംയുക്ത നേതൃത്വത്തിൽ സംഘടിപ്പിച്ച മേള അൽഫാറൂഖ് എജുക്കേഷനൽ സെൻററിലാണ് നടക്കുന്നത്. സിനിമ നടൻ മാമുക്കോയ ചടങ്ങിൽ മുഖ്യാതിഥിയായി. രാമനാട്ടുകര നഗരസഭ ചെയർമാൻ വാഴയിൽ ബാലകൃഷ്ണൻ വിപണനമേള ഉദ്ഘാടനം ചെയ്തു. വാഴയൂർ ഗ്രാമപഞ്ചായത്ത് പ്രസിഡൻറ് വിമല പാറക്കണ്ടത്തിൽ വിതരണോദ്ഘാടനം നടത്തി. അൽഫാറൂഖ് മാനേജിങ് കമ്മിറ്റി പ്രസിഡൻറ് അധ്യക്ഷത വഹിച്ചു. രാമനാട്ടുകര നഗരസഭ കൗൺസിലർമാർ, വാഴയൂർ ഗ്രാമപഞ്ചായത്ത് അംഗങ്ങൾ എന്നിവർ സംസാരിച്ചു. ഇരുനൂറോളം ഭക്ഷ്യ, ഗാർഹികോൽപന്നങ്ങളാണ് ഏപ്രിൽ ഒന്നിന് സമാപിക്കുന്ന മേളയിലുള്ളത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.