കിഴക്കമ്പലം: ഞാറള്ളൂരിൽ പശു വീടിെൻറ ടെറസിനുമുകളിൽ കയറി. ബുധനാഴ്ച രാവിലെ പത്തിനായിരുന്നു സംഭവം. തൊഴുത്തുംകുടിയിൽ തമ്പി തോമസിെൻറ ആറുമാസം ഗർഭിണിയായ പശുവാണ് തൊഴുത്തിനുസമീപത്തെ ഗോവണിയിലൂടെ ടെറസിലെത്തിയത്. വീട്ടുകാരും നാട്ടുകാരും ചേർന്ന് ഏറെ ശ്രമിച്ചെങ്കിലും പശുവിനെ താഴെയിറക്കാൻ സാധിച്ചില്ല. ഇതോടെ സഹായത്തിന് ഫയർഫോഴ്സിൽ വിവരമറിയിച്ചു. ഉടൻ പട്ടിമറ്റം ഫയർഫോഴ്സ് സ്ഥലത്തെത്തി. തുടർന്ന് റെസ്ക്യൂ ബെൽറ്റ്, റോപ്പ് എന്നിവ ഉപയോഗിച്ച് പശുവിനെ ആദ്യം സുരക്ഷിതമായി ബന്ധിച്ചു. അതിനുശേഷം നാട്ടുകാരുടെ സഹായത്തോടെ പണിപ്പെട്ട് ഒരുമണിക്കൂറോളം പരിശ്രമിച്ച് താഴെയിറക്കുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.