കോതമംഗലം: കുട്ടമ്പുഴയിൽ കുട്ടിയാന കിണറ്റിൽ വീണു. പൂയംകുട്ടി വനത്തിൽനിന്ന് രാത്രി എത്തിയ കാട്ടാനക്കൂട്ടത്തിലെ കുട്ടിയാനയാണ് കുട്ടമ്പുഴ കൂവപ്പാറ ഫോറസ്റ്റ് സ്റ്റേഷനുസമീപത്തെ തോപ്പിക്കുടി മൈതീെൻറ പുരയിടത്തിലെ കിണറ്റിൽ വീണത്. ബുധനാഴ്ച രാത്രി എേട്ടാടെ ആനകളുടെ ചിന്നംവിളിയും അലർച്ചയും കേട്ട നാട്ടുകാർ നടത്തിയ തിരച്ചിലിലാണ് ആനക്കുട്ടി കിണറ്റിൽ വീണത് കണ്ടെത്തിയത്. പാട്ട കൊട്ടി വെളിച്ചവുമായി നാട്ടുകാർ ഇറങ്ങിയതോടെ ആനക്കൂട്ടം കിണറിന് സമീപത്തുനിന്ന് മാറി നിലകൊണ്ടു. മൂന്നുമീറ്റർ മാത്രം ആഴമുള്ള കിണറ്റിലാണ് കുട്ടിയാന വീണത്. നാട്ടുകാർ വനപാലകരെ വിവരമറിയിച്ചു. കുട്ടമ്പുഴ റേഞ്ച് ഓഫിസർ എസ്. രാജൻ, ഡെപ്യൂട്ടി ആർ.ഒ കെ.ടി. റോയി, അൻവർ സാദിഖ്, പോൾസൺ പി. ജോൺ, എസ്. കണ്ണൻ, എം.ഒ. ജോയി, വാച്ചർമാർ, നാട്ടുകാർ എന്നിവരുടെ നേതൃത്വത്തിൽ ആനയെ കരക്കുകയറ്റി കാട്ടിലേക്ക് വിട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.