മൂവാറ്റുപുഴ: ടിംബര്‍ മര്‍ച്ചൻറ്സ് അസോസിയേഷന്‍ മൂന്നാമത് സംസ്ഥാന സമ്മേളനം ആറ്, ഏഴ് തീയതികളിൽ തിരുവനന്തപുരം വി.ജെ.ടി ഹാളില്‍ നടക്കുമെന്ന് സംസ്ഥാന പ്രസിഡൻറ് അസീസ് പാണ്ട്യാരപ്പിള്ളി പറഞ്ഞു. ആറിന് രാവിലെ പ്രതിനിധി സമ്മേളനം നടക്കും. ഏഴിന് വൈകീട്ട് നാലിന് മ്യൂസിയം ജങ്ഷനില്‍നിന്ന് ആരംഭിക്കുന്ന പ്രകടനം വി.ജെ.ടി ഹാളില്‍ സമാപിക്കും. തുടര്‍ന്ന് പൊതുസമ്മേളനം വ്യവസായ മന്ത്രി എ.സി. മൊയ്തീന്‍ ഉദ്ഘാടനം ചെയ്യും. അസോസിയേഷന്‍ പ്രസിഡൻറ് അസീസ് പാണ്ട്യാരപ്പിള്ളി അധ്യക്ഷത വഹിക്കും. വനം മന്ത്രി കെ. രാജു മുഖ്യപ്രഭാഷണം നടത്തും. അസോസിയേഷന്‍ ജനറല്‍ സെക്രട്ടറി ജയ്‌മോന്‍ പുളിന്താനം സ്വാഗതം പറയും. മുതിര്‍ന്ന വ്യാപാരികളെ ശശി തരൂര്‍ എം.പി ആദരിക്കും. വി.എസ്. ശിവകുമാര്‍ എം.എല്‍.എ ധനസഹായ വിതരണം നടത്തും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.