അൻവർ എം.എൽ.എയുടെ പേരിൽ കേസെടുക്കണം-രമേശ് ചെന്നിത്തല കൊച്ചി: പി.വി. അൻവർ എം.എൽ.എയുടെ പേരിൽ കേസെടുത്ത് അന്വേഷണം നടത്താൻ സർക്കാർ തയാറാകണമെന്ന് പ്രതിപക്ഷ നേതാവ് രമേശ് ചെന്നിത്തല. നിയമങ്ങൾ ലംഘിച്ച് പരിസ്ഥിതിലോല പ്രദേശത്ത് വാട്ടർ തീം പാർക്ക് നിർമിച്ച എം.എൽ.എ നികുതി വെട്ടിപ്പ് നടത്തിയെന്ന വിവരവും പുറത്തുവന്നിരിക്കുന്നു. എന്നിട്ടും എം.എൽ.എയെ സംരക്ഷിക്കുന്ന മുഖ്യമന്ത്രിയുടെ നിലപാട് പ്രതിഷേധാർഹമാണ്. തോമസ് ചാണ്ടിയുടെ കാര്യത്തിൽ എടുത്ത നിലപാട് സി.പി.ഐക്ക് ജോയ്സ് ജോർജ് വിഷയത്തിൽ ഇല്ലെന്നും ചെന്നിത്തല കുറ്റപ്പെടുത്തി. ഇക്കാര്യത്തിൽ സി.പി.ഐ കള്ളക്കളി നടത്തരുത്. ജോയ്സ് ജോർജ് നിയമലംഘനം നടത്തിയതുകൊണ്ടാണ് കലക്ടർ പട്ടയം റദ്ദാക്കിയത്. വിഷയത്തിൽ റവന്യൂ മന്ത്രി മൃദുസമീപനം സ്വീകരിക്കുന്നത് ശരിയല്ല. മന്ത്രിമാരുടെ നിയമലംഘനങ്ങളും സ്വജനപക്ഷപാതവുമെല്ലാം ഇനിയും പുറത്തുവരുമെന്നും ചെന്നിത്തല പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.