വൈറ്റില-പേട്ട റോഡ് ഉടന്‍ ഗതാഗതയോഗ്യമാക്കണം- -എം.എല്‍.എ കാക്കനാട്: വൈറ്റില മുതല്‍ പേട്ട വരെയുള്ള റോഡ് ഗതാഗതയോഗ്യമാക്കുന്നതിന് അടിയന്തര നടപടി സ്വീകരിക്കണമെന്നാവശ്യപ്പെട്ട് പി.ടി. തോമസ് എം.എല്‍.എ പൊതുമരാമത്ത് മന്ത്രിക്ക് കത്ത് നല്‍കി. റോഡ് പൊട്ടിപ്പൊളിഞ്ഞ് ഏറെക്കാലമായി കാല്‍നടപോലും ദുസ്സഹമായ അവസ്ഥയിലാണ്. കൂടാതെ ഈ ഭാഗത്തുകൂടി മെട്രോ കടന്നുപോകുന്നത് വൈറ്റില ജങ്ഷനില്‍നിന്ന് ബസ് ടെര്‍മിനല്‍ വഴിയാണ്. ഇതിനോട് ചേര്‍ന്ന് കുന്നറ പാര്‍ക്ക് മുതല്‍ വൈറ്റില ജങ്ഷന്‍ വരെയുള്ള റോഡ് ഏറ്റെടുത്തു പണിയുമെന്നാണ് ഡി.എം.ആര്‍.സി ആദ്യം പറഞ്ഞിരുന്നത്. എന്നാല്‍, അതുവഴി മെട്രോ കടന്നുപോകാത്തതിനാല്‍ ആ ഭാഗം ഏറ്റെടുക്കാന്‍ സാധിക്കില്ലെന്നാണ് ഡി.എം.ആര്‍.സി ഇപ്പോള്‍ പറയുന്നതെന്ന് എം.എല്‍.എ കത്തില്‍ ചൂണ്ടിക്കാട്ടി. മഴക്കാലമായതോടെ യാത്രക്ലേശം വർധിച്ചതിനാല്‍ അറ്റകുറ്റപ്പണി ഉടന്‍ ചെയ്യുമെന്ന് പൊതുമരാമത്ത് ഉദ്യോഗസ്ഥര്‍ എം.എല്‍.എക്ക് ഉറപ്പു നല്‍കിയിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.