സുകൃതം നിർത്തലാക്കരുതെന്ന് മുൻ ആരോഗ്യമന്ത്രി വി.എസ്. ശിവകുമാർ എം.എൽ.എ തിരുവനന്തപുരം: കഴിഞ്ഞ യു.ഡി.എഫ് സർക്കാറിെൻറ കാലത്ത് തുടങ്ങിയ സൗജന്യ കാൻസർ ചികിത്സ പദ്ധതിയായ സുകൃതം നിർത്തലാക്കരുതെന്ന് മുൻ ആരോഗ്യമന്ത്രി വി.എസ്. ശിവകുമാർ എം.എൽ.എ സർക്കാറിനോട് ആവശ്യപ്പെട്ടു. കേരളത്തിലെ 35 ലക്ഷത്തോളം ബി.പി.എൽ കുടുംബങ്ങൾക്ക് പരിധിയില്ലാതെ ചികിത്സചെലവ് ലഭ്യമാക്കുന്ന ഈ പദ്ധതി ഇപ്പോൾ നിലച്ചിരിക്കുകയാണ്. തിരുവനന്തപുരം ആർ.സി.സി, മലബാർ കാൻസർ സെൻറർ, അഞ്ച് മെഡിക്കൽ കോളജുകൾ എന്നിവിടങ്ങളിലൂടെയാണ് പദ്ധതി നടപ്പാക്കിയിരുന്നത്. ഇപ്പോൾ തിരുവനന്തപുരം ആർ.സി.സിയിൽപോലും ആവശ്യമായ തുക അനുവദിക്കുന്നില്ല. ഇത് തികച്ചും പ്രതിഷേധാർഹമാണെന്ന് അദ്ദേഹം പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.