വാക്-ഇൻ- ഇൻറർവ്യൂ കാലടി: ശ്രീ ശങ്കരാചാര്യ സംസ്കൃത സർവകലാശാലയിൽ കരാർ അടിസ്ഥാനത്തിൽ സെക്യൂരിറ്റി ഓഫിസർ, പബ്ലിക് റിലേഷൻസ് ഓഫിസർ, കമ്പ്യൂട്ടർ അസിസ്റ്റൻറ് (ടൈപ്പിസ്റ്റ്) എന്നീ തസ്തികകളിൽ നിയമനം നടത്താൻ ജനുവരി ആറിന് രാവിലെ 10ന് സർവകലാശാല ആസ്ഥാനത്ത് വാക്-ഇൻ -ഇൻറർവ്യൂ നടത്തുന്നു. ഒഴിവുകളും യോഗ്യതകളും ചുവടെ: സെക്യൂരിറ്റി ഓഫിസർ -(ഒരു ഒഴിവ്): ക്യാപ്റ്റൻ റാങ്കിൽ കുറയാതെയുള്ള വിമുക്ത ഭടൻ. പ്രായപരിധി : 50. വേതനം: 25,000 രൂപ. പബ്ലിക് റിലേഷൻസ് ഓഫിസർ (ഒരു ഒഴിവ്): ഏതെങ്കിലും അംഗീകൃത സർവകലാശാലയിൽനിന്ന് ജേണലിസത്തിൽ ഒന്നാം ക്ലാസ്/രണ്ടാം ക്ലാസ് ബിരുദാനന്തര ബിരുദം. ജേണലിസം മേഖലയിൽ/മാസ് മീഡിയ ഇൻസ്റ്റിറ്റ്യൂഷനിൽ മൂന്നുവർഷത്തിൽ കുറയാതെ പ്രവൃത്തിപരിചയം അഭികാമ്യം. മൾട്ടി മീഡിയ ഉൾപ്പെടെ കമ്പ്യൂട്ടർ പാക്കേജുകളിൽ പരിജ്ഞാനം. ഇംഗ്ലീഷ്, മലയാളം ഭാഷകളിലുള്ള നൈപുണ്യം. പ്രായം: 35. വേതനം: -25,000 രൂപ. കമ്പ്യൂട്ടർ അസിസ്റ്റൻറ് (ടൈപ്പിസ്റ്റ്) (രണ്ട് ഒഴിവ്): എസ്.എസ്.എൽ.സി, ടൈപ് റൈറ്റിങ് ഇംഗ്ലീഷ് ഹയർ, ടൈപ് ൈററ്റിങ് മലയാളം ലോവർ, കമ്പ്യൂട്ടർ പരിജ്ഞാനം, ഡി.ടി.പിയിലുള്ള നൈപുണ്യം. വേതനം: 16,500 രൂപ. നിശ്ചിത യോഗ്യതയുള്ള ഉദ്യോഗാർഥികൾ അസ്സൽ സർട്ടിഫിക്കറ്റുകളും അവയുടെ പകർപ്പും ബയോഡാറ്റയും സഹിതം അന്ന് രാവിലെ 10ന് സർവകലാശാല ആസ്ഥാനത്ത് ഹാജരാകണം. ഇൻറർവ്യൂവിൽ പങ്കെടുക്കുന്ന ഉദ്യോഗാർഥികൾക്ക് യാത്രപ്പടി നൽകുന്നതല്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.