കാലടി: തിരുവൈരാണിക്കുളം ശ്രീമഹാദേവ ക്ഷേത്രത്തിൽ നടതുറപ്പ് മഹോത്സവത്തോടനുബന്ധിച്ച് ദർശനത്തിന് ഓൺലൈൻ ബുക്കിങ് ആരംഭിച്ചു. www.thiruvairanikulamtemple.org വെബ്സൈറ്റ് സന്ദർശിച്ച് വെർച്വൽ ക്യൂ ബുക്കിങ് എന്ന കോളത്തിൽ ക്ലിക്ക് ചെയ്യണം. തുടർന്ന് നിശ്ചിത കോളത്തിൽ ബുക്ക് ചെയ്യുന്ന വ്യക്തിയുടെ മൊബൈൽ നമ്പർ കൊടുത്താൽ ഒ.ടി.പി (വൺ ടൈം പാസ്വേർഡ്) നമ്പർ ലഭിക്കും. മൊബൈലിൽ എസ്.എം.എസ് ആയി ലഭിക്കുന്ന ഇൗ നമ്പർ ഉപയോഗിച്ച് ബുക്കിങ് പേജിൽ പ്രവേശിച്ച് വിവരങ്ങൾ ചേർക്കണം. തുടർന്ന് ദർശന സമയം െതരഞ്ഞെടുക്കാം. ഓൺലൈൻ ടോക്കണുകൾ പ്രിൻറ് എടുക്കുകയോ സേവ് ചെയ്തു സൂക്ഷിക്കുകയോ വേണം. ദർശന സമയത്ത് ടോക്കൺ പകർപ്പും ബുക്ക് ചെയ്ത ആളുടെ തിരിച്ചറിയൽ രേഖയും കൊണ്ടുവരണം. സൗജന്യമാണ് ഈ സേവനം. ഒരാൾക്ക് പരമാവധി ആറു പേരെ മാത്രമെ ബുക്ക് ചെയ്യാൻ സാധിക്കുകയുള്ളൂ. ജനുവരി ഒന്നിന് മഹോത്സവം തുടങ്ങും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.