കൊച്ചി: നിർദിഷ്ട ശബരി റെയിൽപാതയുടെ അലൈൻമെൻറ് മാറ്റുന്നതിനെതിരെ ഹരജി. 1998ലെ തീരുമാന പ്രകാരം അംഗീകരിച്ച അങ്കമാലി - എരുമേലി പാതയുടെ റൂട്ട് മാറ്റം ചോദ്യം ചെയ്ത് റെയിൽപാത ആക്ഷൻ കമ്മിറ്റിയാണ് ഹൈകോടതിയെ സമീപിച്ചിരിക്കുന്നത്. 19 വർഷം മുമ്പ് അംഗീകരിച്ച അലൈൻമെൻറിൽനിന്ന് പാലായെയും ഇൗരാറ്റുപേട്ടയെയും ഒഴിവാക്കി പുതിയ റൂട്ടിന് നീക്കം നടക്കുന്നതായി ചൂണ്ടിക്കാട്ടിയാണ് ഹരജി. രണ്ട് രാഷ്ട്രീയ നേതാക്കളുടെ സമ്മർദത്തിന് വിധേയമായി രാമപുരത്തുനിന്ന് മറ്റു വഴികളിലൂടെ എരുമേലിയിേലക്ക് പാത കൊണ്ടുപോകാനാണ് നീക്കം. ഇത് അംഗീകരിച്ചാൽ 19 വർഷമായി കാത്തിരിക്കുന്ന ജനങ്ങേളാടു കാട്ടുന്ന ക്രൂരതയാവും. 350 കോടി രൂപയുടെ അധികച്ചെലവ് വരുന്നതിന് പുറമെ സുരക്ഷ ഉറപ്പാക്കാനാവാത്ത അവസ്ഥയുമുണ്ടാകും. അലൈൻമെൻറ് ഇൗ ഘട്ടത്തിൽ മാറ്റുന്നത് പദ്ധതിയെതന്നെ ബാധിക്കുമെന്നും ഹരജിയിൽ പറയുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.