ബോവിക്കാനം: ജനങ്ങളെ ആശങ്കയിലാഴ്ത്തി മുളിയാർ പഞ്ചായത്തിലെ വിവിധ മേഖലകളിൽ മഞ്ഞപ ്പിത്തവും പകർച്ചപ്പനിയും വ്യാപകമാവുന്നു. തീരദേശ, കാർഷിക മേഖലയായ മുണ്ടക്കൈ, മൂലട ുക്കം എന്നിവിടങ്ങളിൽ നിരവധി പേർ ചികിത്സയിലാണ്. മുണ്ടക്കൈ സ്വദേശികളായ സുഹൈൽ (16), വസീമ (10), ഹസീന (28), ഇർഫാൻ (എട്ട്), ഹാമിദ (നാല്), വാജിദ് (12), സുലൈഖ (18), സൽവ (എട്ട്), ഫയാസ് (19), അൽഅമീൻ (11), മിൻഹത് (ഏഴ്), വാഹിദ് (10) തുടങ്ങിയവർ വിവിധ ആശുപത്രികളിൽ ചികിത്സ തേടി. മുളിയാർ സി.എച്ച്.സിയിലെ ഉേദ്യാഗസ്ഥർ സ്ഥലം സന്ദർശിച്ചു.
മുളിയാറിലെ മൂലടുക്കം ഉൾപ്പെടെ വിവിധ മേഖലയിലെ നിരവധിപേർ മഞ്ഞപ്പിത്തം മൂലം ചികിത്സയിലാണ്. മഞ്ഞപ്പിത്തവും പകർച്ചപ്പനിയും തടയുന്നതിനും വ്യാപകമായതിെൻറ കാരണം ശാസ്ത്രീയ പരിശോധനയിലൂടെ കണ്ടെത്തുന്നതിനും നടപടി സ്വീകരിക്കണമെന്നും പ്രത്യേക മെഡിക്കൽ സംഘത്തെ നിയമിക്കണമെന്നും ആവശ്യപ്പെട്ട് മുളിയാർ പഞ്ചായത്ത് അംഗം അനീസ മൻസൂർ മല്ലത്ത് ജില്ല മെഡിക്കൽ ഓഫിസർ, ജില്ല കലക്ടർ എന്നിവർക്ക് ഇ-മെയിൽ സന്ദേശമയച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.