കാസർകോട്: വൃത്തിഹീനമായ രീതിയിൽ ഷവർമ തയാറാക്കി വിൽപന നടത്തിവന്ന കെ.എസ്.ആർ.ടി. സി ബസ്സ്റ്റാൻഡിനു സമീപത്തെ മലനാട് കഫെ ഫുഡ് സേഫ്റ്റി അധികൃതർ പൂട്ടിച്ചു. ജില്ല അസി. ഫുഡ് സേഫ്റ്റി കമീഷണറുടെ നിരോധന ഉത്തരവ് മാനിക്കാതെയും ഫുഡ് സേഫ്റ്റി ലൈസൻസില്ലാതെയും പ്രവർത്തിച്ചതിനാണ് നടപടി. വൃത്തിഹീനമായ സാഹചര്യത്തിലാണ് കഫെ പ്രവർത്തിക്കുന്നതെന്ന് നേരേത്ത നടത്തിയ പരിശോധനയിൽ അധികൃതർ കണ്ടെത്തിയിരുന്നു. ഇതേതുടർന്ന് കഫെ അടച്ചുപൂട്ടാൻ രണ്ടുദിവസം മുമ്പ് നോട്ടിസും നൽകിയിരുന്നു. എന്നിട്ടും തുറന്നുപ്രവർത്തിച്ചതിനെ തുടർന്നാണ് ഫുഡ് സേഫ്റ്റി അസി. കമീഷണർ കെ.ജെ. ജോസഫ്, ഫുഡ് സേഫ്റ്റി ഒാഫിസർ അനീഷ് ഫ്രാൻസിസ് എന്നിവരുടെ നേതൃത്വത്തിൽ കഫെ പൂട്ടി സീൽവെച്ചത്. വ്യാഴാഴ്ച വൈകീട്ട് 6.45ഒാടെയാണ് അടച്ചുപൂട്ടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.