കാഞ്ഞങ്ങാട‌്: കോവിഡ‌ിനെതിരെ പോരാടുന്ന ആരോഗ്യ പ്രവർത്തകർക്കും പൊലീസ‌് സേനക്കും സന്നദ്ധ പ്രവർത്തകർക്കും ആദരമർപ്പിച്ച‌് ബ്രഷ‌്റൈറ്റിങ് ആർട്ടിസ‌്റ്റ‌് അസോസിയേഷൻ ജില്ല കമ്മിറ്റി കാഞ്ഞങ്ങാട‌് നഗരസഭയുടെ കോട്ടച്ചേരി ബസ്സ്റ്റാൻഡ് കെട്ടിടചുവരിൽ വരച്ച ചിത്രാദരം 30ന‌് നാടിന‌് സമർപ്പിക്കും. ബസ്സ്റ്റാൻഡ് പ്രവേശന കവാടത്തിലെ ചുവരിൽ 20 അടി വീതിയിലും 40 അടി ഉയരത്തിലുമായി അസോസിയേഷൻ പ്രവർത്തകരായ 40 കലാകാരന്മാർ നാലു ദിവസങ്ങളിലായിട്ടാണ‌് ചിത്രാദരം പൂർത്തിയാക്കിയത‌്. കേരളത്തിലെ 14 ജില്ലകൾ, മുഖ്യമന്ത്രി, ജില്ല കലക‌്ടർ, ആരോഗ്യ പ്രവർത്തകർ, പൊലീസ‌് സേന, ഫയർ സർവിസ‌് എന്നീ ചിത്രങ്ങൾ 8000 സ‌്ക്വയർഫീറ്റ‌് വിസ‌്തൃതിയുള്ള ചുവരിൽ ആലേഖനം ചെയ‌്തിട്ടുണ്ട‌്. കാൽലക്ഷം രൂപയുടെ പെയിൻറും ബ്രഷും കലാകാരന്മാരുടെ അധ്വാനവും ഇതിനായി ചെലവിട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.