നീലേശ്വരം: ശക്തമായ മിന്നലിൽ നഗരസഭ പരിധിയിലെ നിരവധി വീടുകൾക്ക് നാശം. വിള്ളൽ വീണ് ചുമരുകൾ തകർന്നു. നിരവധി വീടുകളിലെ ഇലക്ട്രോണിക്സ് ഉപകരണങ്ങൾ കത്തിനശിച്ചു. പള്ളിക്കര കുണ്ടുംകണ്ടത്തിൽ കുഞ്ഞിക്കണ്ണൻ, സി.എച്ച്. ഓമന, പ്രദിത്ത് വേണു എന്നിവരുടെ വീടിെൻറ ചുമരുകൾക്കാണ് വിള്ളലുണ്ടായത്. ഇവരുടെ വീട്ടിലെ വയറിങ്ങും ഇലക്ട്രോണിക്സ് ഉപകരണങ്ങളും കത്തിനശിച്ചു. ആനച്ചാലിലെ സി.നെറ്റ് കാമറാമാൻ മണിയുടെ വീടിെൻറ ചുമർ തകർന്നു. ഇലക്ട്രോണിക്സ് ഉപകരണങ്ങൾ കത്തിനശിച്ചു. കാര്യങ്കോട് മനോജിെൻറ വീടിന് മുകളിൽ മരം കടപുഴകി. തൈക്കടപ്പുറത്ത് പൂനത്തിൻ മാധവിയുടെ ഓടിട്ട വീട് തെങ്ങുവീണ് ഭാഗികമായി തകർന്നു. അപകടം നടന്ന സ്ഥലങ്ങൾ നഗരസഭ, വില്ലേജ് അധികൃതർ സന്ദർശിച്ചു. നീലേശ്വരം നഗരത്തിൽ വൈദ്യുതി തകരാർ മൂലം വ്യാപാരികൾ ഏറെ ബുദ്ധിമുട്ടി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.