കാസർകോട്: എം.എൽ.എമാരുടെ പ്രത്യേക വികസനനിധിയിൽനിന്നും വിവിധ പദ്ധതികൾക്ക് തുക അനുവദിച്ചു. പദ്ധതികൾക്ക് ജില്ല കലക്ടർ കെ. ജീവൻബാബു ഭരണാനുമതി നൽകി. ഉദുമ മണ്ഡലത്തിൽ കെ.കുഞ്ഞിരാമൻ എം.എൽ.എയുടെ പ്രത്യേക വികസന നിധിയിൽനിന്ന് കുറ്റിക്കോൽ ഗ്രാമപഞ്ചായത്തിലെ കരിവേടകം--ടെമ്പിൾ റോഡ് നിർമാണവും ടാറിങ്ങും നടത്തുന്നതിന് അഞ്ച് ലക്ഷം രൂപയും വടക്കേക്കര -കയ റോഡ് നിർമാണവും ടാറിങ്ങും 4,99,000 രൂപയും പള്ളിക്കര ഗ്രാമപഞ്ചായത്തിലെ ഈലടുക്കം-ദേവൻപൊടിച്ചപാറ റോഡ് നിർമാണവും ടാറിങ്ങിനും അഞ്ച് ലക്ഷം രൂപയും പുല്ലൂർ പെരിയ ഗ്രാമപഞ്ചായത്തിലെ നവോദയ -കളത്തിങ്കാൽ റോഡ് നിർമാണവും ടാറിങ്ങിനും അഞ്ച് ലക്ഷം രൂപയും കാഞ്ഞങ്ങാട് മണ്ഡലത്തിൽ ഇ. ചന്ദ്രശേഖരൻ എം.എൽ.എയുടെ പ്രത്യേക വികസന നിധിയിൽനിന്ന് കാഞ്ഞങ്ങാട് നഗരസഭയിലെ കുശാൽനഗർ -കടിക്കാൽ ദിനേശ് കമ്പനി റോഡ് ടാറിങ്ങിന് അഞ്ച് ലക്ഷം രൂപയും കാസർകോട് മണ്ഡലത്തിൽ എൻ.എ. നെല്ലിക്കുന്ന് എം.എൽ.എയുടെ പ്രത്യേക വികസന നിധിയിൽനിന്ന് ബെള്ളൂർ ഗ്രാമപഞ്ചായത്തിലെ നൂഞ്ചം അംഗൻവാടി റോഡ് ടാറിങ്ങിനും കോൺക്രീറ്റിങ്ങിനും രണ്ട് ലക്ഷം രൂപയും കുമ്പടാജെ ഗ്രാമപഞ്ചായത്തിലെ മൗവ്വാർ സ്കൂൾ -ഓടമ്പാല റോഡ് ടാറിങ്ങിന് അഞ്ച് ലക്ഷം രൂപയും ബദിയടുക്ക ഗ്രാമപഞ്ചായത്തിലെ ബാപ്പാലിപൊനം മസ്ജിദ് റോഡ് ടാറിങ്ങിന് നാല് ലക്ഷം രൂപയും അനുവദിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.