ചെറുപുഴ: ഓട്ടോയിലെത്തിച്ച് കഞ്ചാവ് വില്‍ക്കുന്നതിനിടെ യുവാവിനെ ചെറുപുഴ പൊലീസ് പിടികൂടി. കോലുവള്ളി സ്വദേശി പുള്ളോലിക്കല്‍ ജോജിയാണ് (23) ബുധനാഴ്ച വൈകീട്ട് പുളിങ്ങോം പാലത്തിന് സമീപം പിടിയിലായത്. കഞ്ചാവ് വാങ്ങാനെത്തിയവരെന്ന സംശയത്തില്‍ ബൈക്കുമായി സ്ഥലത്തുണ്ടായിരുന്ന മറ്റ് രണ്ടുപേരെ പൊലീസ് പിടികൂടിയെങ്കിലും ഇവരെ പിന്നീട് വിട്ടയച്ചു. പുളിങ്ങോം ടൗണും പരിസരവും കേന്ദ്രീകരിച്ച് ലഹരിവസ്തുക്കള്‍ വിറ്റഴിക്കുന്നുണ്ടെന്ന പരാതിയെ തുടര്‍ന്ന് ചെറുപുഴ എ.എസ്.ഐ േജാൺ, സിവില്‍ പൊലീസ് ഓഫിസര്‍മാരായ ശ്രീകാന്ത്, സന്തോഷ് എന്നിവരുടെ നേതൃത്വത്തില്‍ പരിശോധന നടത്തുന്നതിനിടെയാണ് കഞ്ചാവ് വിൽപന പിടികൂടിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.