കുമ്പള: കുമ്പളയിൽ കഴിഞ്ഞദിവസം ബസിടിച്ച് പരിക്കേറ്റ ബൈക്ക് യാത്രികൻ അപകടനില തരണംചെയ്തില്ലെന്ന് ഡോക്ടർമാർ അറിയിച്ചു. കാസർകോട് തുരുത്തി പുഴയരികത്ത് വീട്ടിൽ ടി.എ. മുഹമ്മദിെൻറ മകൻ ടി.എം. സൈനുദ്ദീനാണ് (30) അപകടത്തിൽ സാരമായി പരിക്കേറ്റ് ചികിത്സയിലുള്ളത്. തലയിലും കാലുകൾക്കും പരിക്കേറ്റ് മംഗളൂരുവിലെ സ്വകാര്യ ആശുപത്രിയിൽ തീവ്രപരിചരണവിഭാഗത്തിൽ കഴിയുന്ന യുവാവിന് ഇതുവരെയും ബോധം തിരിച്ചുകിട്ടിയിട്ടില്ല. ആഗസ്റ്റ് നാലിന് ഉച്ചക്ക് 12ഒാടെ കുമ്പള പാലത്തിലായിരുന്നു അപകടം. സൈനുദ്ദീൻ സഞ്ചരിച്ച ബൈക്കിനെ കർണാടക ട്രാൻസ്പോർട്ട് ബസിടിക്കുകയായിരുന്നു. കാലിന് അത്യാവശ്യമായി ശസ്ത്രക്രിയ ആവശ്യമാണെന്നാണ് ഡോക്ടർമാർ ബന്ധുക്കളെ അറിയിച്ചത്. എന്നാൽ, തലയിലെ പരിക്ക് ഭേദപ്പെട്ട് ബോധം തിരിച്ചുകിട്ടിയാൽമാത്രമേ ഇത് സാധ്യമാകൂ എന്നാണ് അറിയുന്നത്. ബസ് ഡ്രൈവറുടെ ശ്രദ്ധക്കുറവാണ് അപകടകാരണമെന്നാണ് പറയപ്പെടുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.