വി​ശ്വാ​സ​ധാ​ര​ക​ളു​ടെ സം​ഗ​മ​മാ​കു​ന്ന വ്ര​താ​നു​ഷ്ഠാ​ന​ങ്ങ​ൾ​

ഒ​രു ക​ത്തോ​ലി​ക്ക പു​രോ​ഹി​ത​നാ​യ എ​ന്റെ വീ​ക്ഷ​ണ​ത്തി​ൽ ഇ​സ്‌​ലാം, ക്രി​സ്‌​തു മ​ത​സ​മൂ​ഹ​ങ്ങ​ളി​ലു​ള്ള നോ​മ്പ് അ​നു​ഷ്ഠാ​ന​ങ്ങ​ൾ​ക്ക് ഏ​റെ സ​മാ​ന​ത​ക​ൾ കാ​ണു​വാ​ൻ ക​ഴി​യു​ന്നു​ണ്ട്. വി​ശ്വാ​സ​ത്തി​ന്റെ വി​വി​ധ ഋ​തു​ക്ക​ളി​ലൂ​ടെ നാം ​സ​ഞ്ച​രി​ക്കു​മ്പോ​ൾ വ്യ​ത്യ​സ്ത മ​ത പാ​ര​മ്പ​ര്യ​ങ്ങ​ൾ വ്യ​ത്യ​സ്ത ആ​ചാ​ര​ങ്ങ​ൾ പി​ന്തു​ട​രു​ന്നു​ണ്ടെ​ങ്കി​ലും, ഈ ​ആ​ചാ​ര​ങ്ങ​ളു​ടെ അ​ടി​സ്ഥാ​ന സ​ത്ത പ​ല​പ്പോ​ഴും ആ​ഴ​ത്തി​ലു​ള്ള രീ​തി​യി​ൽ ഒ​ത്തു​ചേ​രു​ന്നു​താ​ണ്. ര​ണ്ട് പ്ര​ധാ​ന നോ​മ്പു​ക​ളാ​ണ് -മു​സ്‍ലിം​ങ്ങ​ൾ​ക്ക് റ​മ​ദാ​നും, ക്രി​സ്ത്യാ​നി​ക​ൾ​ക്ക് 40 ദി​വ​സ​ത്തെ നോ​മ്പും.

ആ​ത്മീ​യ പ്ര​തി​ഫ​ല​നം, സ്വ​യം അ​ച്ച​ട​ക്കം, ദൈ​വ​വു​മാ​യു​ള്ള ആ​ഴ​ത്തി​ലു​ള്ള കൂ​ട്ടാ​യ്മ എ​ന്നി​വ​ക്ക് ഇ​ത് ഏ​റെ അ​വ​സ​ര​മൊ​രു​ക്കു​ന്നു. ലോ​ക​മെ​മ്പാ​ടു​മു​ള്ള മു​സ്‍ലിം​ങ്ങ​ൾ​ക്ക് റ​മ​ദാ​ൻ അ​നു​ഗൃ​ഹീ​ത​വും പ​വി​ത്ര​വു​മാ​യ ഒ​രു മാ​സ​മാ​ണ്. ഭ​ക്തി​യു​ടെ​യും സ്വ​യം ശു​ദ്ധീ​ക​ര​ണ​ത്തി​ന്റെ​യു​മാ​യ ഈ ​സ​മ​യം, അ​വ​ർ ഭ​ക്തി​യി​ലും പ്രാ​ർ​ത്ഥ​ന​യി​ലു​മാ​യി പ്ര​ഭാ​തം മു​ത​ൽ സൂ​ര്യാ​സ്ത​മ​യം വ​രെ ഉ​പ​വ​സി​ക്കു​ക​യാ​ണ് ചെ​യ്യു​ന്ന​ത്. ഭ​ക്ഷ​ണ​പാ​നീ​യ​ങ്ങ​ളും ശാ​രീ​രി​ക ഇ​ച്ഛ​ക​ളും ഒ​ഴി​വാ​ക്കി ആ​ത്മീ​യ​മാ​യ ന​വീ​ക​ര​ണ​ത്തി​നു​ള്ള സ​മ​യം ക​ണ്ടെ​ത്തു​ന്ന​ത് കൂ​ടി​യാ​ണ് റ​മ​ദാ​ൻ.

വ്ര​തം അ​നു​ഷ്ടി​ച്ചു ആ​ത്മാ​വി​നെ ശു​ദ്ധീ​ക​രി​ക്കു​ക​യും നി​രാ​ലം​ബ​രോ​ട് സ​ഹാ​നു​ഭൂ​തി​യി​ൽ വ​ർ​ത്തി​ക്കു​ക​യും വ​ഴി വി​ശ്വാ​സി​ക​ൾ ദൈ​വ​ത്തി​ലേ​ക്ക് കൂ​ടു​ത​ൽ അ​ടു​ക്കു​ക​യാ​ണ്. സ്വ​ന്തം ഹൃ​ദ​യ​ത്തെ പ​രി​ശോ​ധി​ക്കു​വാ​നും, മോ​ശം ശീ​ല​ങ്ങ​ളെ ഇ​ല്ലാ​താ​ക്കു​വാ​നും കൃ​ത​ജ്ഞ​ത, ദാ​നം, പ്രാ​ർ​ത്ഥ​ന ഇ​വ​യി​ൽ ശ്ര​ദ്ധ കേ​ന്ദ്രീ​ക​രി​ക്കാ​നു​ള്ള വി​ളി​യാ​ള​മാ​ണ് റ​മ​ദാ​ൻ. ഇ​ഹ​ലോ​ക​ത്തി​ന്റെ പ്ര​ലോ​ഭ​ന​ങ്ങ​ൾ​ക്കെ​തി​രെ വ​ലി​യ പോ​രാ​ട്ട​ത്തി​ലൂ​ടെ ആ​ത്മീ​യ പ​രി​വ​ർ​ത്ത​ന​ത്തി​ലേ​ക്കു​ള്ള തീ​ർ​ഥ​യാ​ത്ര​യാ​വു​ക​യാ​ണ് റ​മ​ദാ​ൻ.

ഞാ​യ​റാ​ഴ്ച​ക​ൾ ഒ​ഴി​കെ​യു​ള്ള 40 ദി​വ​സ​ത്തെ നോ​മ്പു​കാ​ല ഉ​പ​വാ​സം കൊ​ണ്ട് ക്രി​സ്ത്യാ​നി​ക​ൾ മാ​ന​സാ​ന്ത​ര​ത്തി​ന്റേ​യും, ന​വീ​ക​ര​ണ​ത്തി​ന്റേ​യും കൃ​സ്തീ​യ യാ​ത്ര​യാ​ണ് അ​നു​ഷ്ടി​ക്കു​ന്ന​ത്. നോ​മ്പു​കാ​ലം ത​പ​സ്സി​ന്റെ​യും പ്രാ​ർ​ഥ​ന​യു​ടേ​യും,ഉ​പ​വാ​സ​ത്തി​ന്റേ​യും സ​മ​യ​മാ​ണ്. ത്യാ​ഗ​ത്തി​ന്റേ​യും അ​നു​താ​പ​ത്തി​ന്റെ​യും പ്ര​വൃ​ത്തി​ക​ളി​ലൂ​ടെ വി​ശ്വാ​സി​ക​ളെ ദൈ​വ​ത്തോ​ട് അ​ടു​പ്പി​ക്കു​ക​യെ​ന്ന ല​ക്ഷ്യ​മാ​ണ് ഈ ​നോ​മ്പി​നു​ള്ള​ത്. തീ​വ്ര​മാ​യ ആ​ത്മ പ​രി​ശോ​ധ​ന​യു​ടേ​യും​ആ​ത്മീ​യ ന​വീ​ക​ര​ണ​ത്തി​നെ​യും കാ​ല​ഘ​ട്ട​മാ​ണ് നോ​മ്പു​കാ​ലം.

ഈ ​സ​മ​യ​ത്ത് ക്രി​സ്ത്യാ​നി​ക​ൾ ചി​ല ഭ​ക്ഷ​ണ​ങ്ങ​ളി​ൽ​നി​ന്ന് വി​ട്ടു നി​ൽ​ക്കു​ക​യൂം, ജീ​വ കാ​രു​ണ്യ പ്ര​വ​ർ​ത്ത​ന​ങ്ങ​ളി​ൽ ഏ​ർ​പ്പെ​ടു​ക​യും, പ്രാ​ർ​ഥ​ന​യി​ലും, ധ്യാ​ന​ത്തി​ലും മു​ഴു​കു​ക​യും ചെ​യ്യും. ക്രി​സ്തു​വി​ന്റെ ക​ഷ്ട​പ്പാ​ടു​ക​ളി​ലും, ത്യാ​ഗ​ങ്ങ​ളി​ലും ശ്ര​ദ്ധ കേ​ന്ദ്രീ​ക​രി​ക്കാ​നു​ള്ള സ​മ​യ​മാ​ണ്. റ​മ​ദാ​നും, നാ​ൽ​പ​ത് ദി​വ​സ​ത്തെ നോ​മ്പു​കാ​ല ഉ​പ​വാ​സ​വും ല​ക്ഷ്യ​മാ​ക്കു​ന്ന​ത് ആ​ത്മീ​യ അ​ച്ച​ട​ക്ക​വും, ന​വീ​ക​ര​ണ​വു​മാ​ണ്. ര​ണ്ട് വി​ശ്വാ​സ ധാ​ര​ക​ളും ത​ങ്ങ​ളു​ടെ വി​ശ്വാ​സി​ക​ളെ വി​ശു​ദ്ധി​യി​ലേ​ക്ക് വ​ള​രാ​ൻ ത്യാ​ഗ​ങ്ങ​ൾ ചെ​യ്യാ​ൻ വി​ളി​ക്കു​ക​യാ​ണ്.

ഒ​പ്പം ദൈ​വ​വു​മാ​യു​ള്ള ഗാ​ഢ​ബ​ന്ധം വ​ർ​ധി​പ്പി​ക്കു​വാ​നും വേ​ണ്ടി​യാ​ണ്. ക്രി​സ്തു​വി​ന്റെ ക​ഷ്ട​പ്പാ​ടു​ക​ളി​ൽ പ​ങ്കു ചേ​രാ​നും,സ്വ​യം നി​ഷേ​ധി​ക്കാ​നും ക്രി​സ്ത്യാ​നി​ക​ളെ വി​ളി​ക്കു​മ്പോ​ൾ, ഖു​ർ​ആ​ൻ വാ​യ​ന​യി​ലും ദാ​ന ധ​ർ​മ​ത്തി​ലും മു​സ്‌​ലിം​ക​ൾ ശ്ര​ദ്ധ കേ​ന്ദ്രീ​ക​രി​ക്കു​ന്നു. ര​ണ്ട് വി​ശ്വാ​സി സ​മൂ​ഹ​വും ആ​ഹ്വാ​നം ചെ​യ്യു​ന്ന​ത് ദൈ​വ​ത്തോ​ട് അ​ടു​ക്കു​ന്ന​തി​നാ​യി ഉ​പ​വ​സി​ക്കു​ക എ​ന്ന​ത് ത​ന്നെ​യാ​ണ്. ഈ ​പ്രാ​ർ​ത്ഥ​ന നി​ർ​ഭ​ര​മാ​യ ജീ​വി​തം ന​മ്മെ ദൈ​വ​ത്തോ​ട് കൂ​ടു​ത​ൽ അ​ടു​പ്പി​ക്കു​മാ​റാ​ക​ട്ടെ.