ശബരിമല: മലചവിട്ടി ശബരിമല സന്നിധാനത്തെത്തിയ യുവതിയെ പൊലീസ് തിരിച്ചയച്ചു. തെലങ്കാന സ്വദേശി പാർവതിയാണ് സന്നിധാനത്തെത്തിയത്. ഖമ്മം ജില്ലക്കാരിയായ ഇവർ ഭര്ത്താവിനും മക്കള്ക്കുമൊപ്പമാണ് വന്നത്. ഞായറാഴ്ച രാവിലെ 11ഒാടെ സന്നിധാനത്തെ വലിയ നടപ്പന്തല് വരെയെത്തിയ പാര്വതിയെ സംശയം തോന്നി പൊലീസ് പിടികൂടുകയായിരുന്നു.
തിരിച്ചറിയല് രേഖകളുടെ പരിശോധനയില് ഇവര്ക്ക് 31 വയസേ ഉള്ളൂവെന്ന് വ്യക്തമായി. ശബരിമലയിൽ കയറാനുള്ള പ്രായപരിധിയെക്കുറിച്ച് അറിയില്ലായിരുന്നു എന്നാണ് ഇവർ പൊലീസിനോട് പറഞ്ഞത്. ഉടൻ പൊലീസ് സംരക്ഷണയിൽ ഇവരെ തിരിച്ചയക്കുകയാരുന്നു. പമ്പയില് വനിത പൊലീസിെൻറയും ദേവസ്വം ഗാര്ഡുകളുെടയും പരിശോധനക്ക് ശേഷമാണ് സാധാരണ വനിതകളെ മലചവിട്ടാന് അനുവദിക്കാറുള്ളത്. സംശയമുള്ളവരുടെ തിരിച്ചറിയൽ രേഖ പരിശോധിക്കാറുണ്ട്. സംഭവത്തില് സ്പെഷല് ബ്രാഞ്ച് അന്വേഷണം തുടങ്ങി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.