കന്യാസ്​ത്രീകളുടെ സമരത്തിന്​ പൂർണ്ണ പിന്തുണ -വി.എസ്​

തിരുവനന്തപുരം: ബിഷപ്പ് ഫ്രാങ്കോ മുളക്കലിനു എതിരായ കന്യാസ്ത്രീകളുടെ സമരത്തിന് പിന്തുണയുമായി ഭരണ പരിഷ്​കാര കമീഷൻ ചെയർമാൻ വി.എസ് അച്യുതാനന്ദൻ. സമരത്തിന് പൂർണ പിന്തുണ നൽകുന്നുവെന്നും ആരോഗ്യ പ്രശ്നങ്ങൾ ഉള്ളതിനാലാണ്​ നേരിട്ട് എത്താൻ കഴിയാത്തതെന്നും സമരം വിജയം കാണുമെന്നും അദ്ദേഹം വ്യക്​തമാക്കി.

സമരം ചെയ്യുന്ന കന്യാസ്ത്രീകളിൽ ഒരാളായ സിസ്റ്റർ അനുപമയെ ഫോണിൽ വിളിച്ചാണ് വി.എസ്​ പിന്തുണ അറിയിച്ചത്. പിന്തുണ പ്രഖ്യാപിച്ച ശേഷം സമരപന്തലിൽ വായിക്കാൻ ഉള്ള സന്ദേശവും വി.എസ്​. കൈമാറി.