തിരുവനന്തപുരം: വെള്ളാപ്പള്ളി നടേശനെ തലപ്പത്ത് വെച്ചതോടെ വനിതാ മതിലിെൻറ വിശ്വാസ്യത നഷ്ടപ്പെട്ടുവെന്ന് കോൺഗ്രസ് നേതാവ് വി.എം സുധീരൻ. നാഴികയ്ക്ക് 40വട്ടം നിലപാട് മാറ്റുന്നയാളാണ് വെള്ളാപ്പള്ളി. എസ്.എൻ.ഡി.പി യോഗം മഹത്തായ പ്രസ്ഥാനമാണ്. പക്ഷെ വെള്ളാപ്പള്ളി പ്രവൃത്തിക്കുന്നത് ഗുരുദർശനങ്ങൾക്ക് എതിരായാണെന്നും അദ്ദേഹം പറഞ്ഞു.
സ്വാർത്ഥ താൽപര്യം മുൻനിർത്തിയാണ് വെള്ളാപ്പള്ളിയുടെ പ്രവർത്തനം. കേന്ദ്ര സർക്കാരിൽ നിന്ന് നടപടി ഉണ്ടാകാതിരിക്കാനാണ് മകനെ ബി.ജെ.പിക്കൊപ്പം നിർത്തുന്നത്. സംസ്ഥാന സർക്കാരിൽ നിന്ന് നടപടി ഉണ്ടാകാതിരിക്കാനാണ് വെള്ളാപ്പള്ളി മുഖ്യമന്ത്രിക്കൊപ്പം നിൽക്കുന്നതെന്നും ഇവർ ഇരു കൂട്ടരെയും കബളിപ്പിക്കുകയാണെന്നും സുധീരൻ ആരോപിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.