പാലക്കാട്: നെയ്യാറ്റിൻകരക്കും പാറശ്ശാലക്കുമിടയിൽ അറ്റകുറ്റപ്പണി നടക്കുന്നതിനാൽ ചില ട്രെയിനുകൾ ഭാഗികമായി റദ്ദാക്കി. മാർച്ച് 28ന് രാവിലെ 10.20ന് ചെന്നൈ എഗ്മോറിൽ നിന്ന് പുറപ്പെടുന്ന നമ്പർ 16127 ചെന്നൈ എഗ്മോർ - ഗുരുവായൂർ എക്സ്പ്രസ് നാഗർകോവിലിൽ യാത്ര അവസാനിപ്പിക്കും. നാഗർകോവിലിനും ഗുരുവായൂരിനുമിടയിൽ സർവിസ് നടത്തില്ല.
മാർച്ച് 29ന് രാത്രി 23.15ന് ഗുരുവായൂരിൽ നിന്ന് പുറപ്പെടുന്ന നമ്പർ 16128 ഗുരുവായൂർ-ചെന്നൈ എഗ്മോർ എക്സ്പ്രസ് ഗുരുവായൂരിനും നാഗർകോവിലിനുമിടയിൽ സർവിസ് നടത്തില്ല.
മാർച്ച് 28ന് രാവിലെ അഞ്ചിന് മംഗളൂരുവിൽനിന്ന് പുറപ്പെടുന്ന നമ്പർ 16649 മംഗളൂരു-കന്യാകുമാരി പരശുറാം എക്സ്പ്രസ് തിരുവനന്തപുരം സെൻട്രലിൽ യാത്ര അവസാനിപ്പിക്കും. തിരുവനന്തപുരത്തിനും കന്യാകുമാരിക്കുമിടയിൽ സർവിസ് നടത്തില്ല.മാർച്ച് 29ന് പുലർച്ച 3.45ന് കന്യാകുമാരിയിൽനിന്ന് പുറപ്പെടേണ്ട നമ്പർ 16650 കന്യാകുമാരി-മംഗളൂരു പരശുറാം എക്സ്പ്രസ് തിരുവനന്തപുരത്തുനിന്നാണ് രാവിലെ 6.15ന് പുറപ്പെടുകയെന്ന് റെയിൽവേ അറിയിച്ചു.
അധിക കോച്ച് അനുവദിച്ചു
പാലക്കാട്: ആർ.ആർ.ബി പരീക്ഷ സമയത്തെ തിരക്ക് ഒഴിവാക്കാൻ ട്രെയിൻ സർവിസുകൾക്ക് ഒരു അധിക കോച്ച് അനുവദിച്ചതായി റെയിൽവേ അറിയിച്ചു. നമ്പർ 16305 എറണാകുളം-കണ്ണൂർ എക്സ്പ്രസിന് മാർച്ച് 19 മുതൽ 21 വരെയും നമ്പർ 16306 കണ്ണൂർ-എറണാകുളം എക്സ്പ്രസിന് 21 മുതൽ 23 വരെയും നമ്പർ 16307 ആലപ്പുഴ-കണ്ണൂർ എക്സിക്യൂട്ടിവ് എക്സ്പ്രസിനും നമ്പർ 16308 കണ്ണൂർ-ആലപ്പുഴ എക്സിക്യൂട്ടിവ് എക്സ്പ്രസിനും 20 മുതൽ 22 വരെയും ഒരു അഡീഷനൽ ജനറൽ സെക്കൻഡ് ക്ലാസ് കോച്ചും അനുവദിച്ചു.
പാലക്കാട്: മാവേലിക്കരയിൽ പൈപ്പ്ലൈൻ ക്രോസിങ് ജോലികൾ സുഗമമാക്കാൻ മാർച്ച് 20ന് വെരാവലിൽനിന്ന് ആരംഭിക്കുന്ന നമ്പർ 16333 വെരാവൽ-തിരുവനന്തപുരം എക്സ്പ്രസ് ആലപ്പുഴ വഴി തിരിച്ചുവിടും. ആലപ്പുഴയിലും കായംകുളത്തും സ്റ്റോപ്പുകൾ അനുവദിക്കും. മാർച്ച് 21ന് മംഗളൂരുവിൽനിന്ന് ആരംഭിക്കുന്ന നമ്പർ 16348 മംഗളൂരു-തിരുവനന്തപുരം എക്സ്പ്രസും ആലപ്പുഴ വഴി തിരിച്ചുവിടും. ചേർത്തല, ആലപ്പുഴ, അമ്പലപ്പുഴ, ഹരിപ്പാട് എന്നിവിടങ്ങളിൽ സ്റ്റോപ്പുകൾ അനുവദിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.