കൊടിയത്തൂർ (കോഴിക്കോട്): തോട്ടുമുക്കം ഗവ. യു.പി സ്കൂൾ കെട്ടിടത്തിൻ്റെ മേൽക്കൂര തകർന്ന് വീണു. പ്രീ പ്രൈമറി ക്ലാസുകൾ പ്രവർത്തിച്ചിരുന്ന കെട്ടിടത്തിൻ്റെ മേൽക്കൂരയാണ് ചൊവ്വാഴ്ച രാത്രി തകർന്ന് വീണത്. സ്കൂൾ അവധി സമയമായതിനാലും വിദ്യാർഥികൾ ഇല്ലാത്തതിനാലും വലിയ അപകടം ഒഴിവായി.
40 വർഷത്തോളം പഴക്കമുള്ള കെട്ടിടം അപകടാവസ്ഥയിലാണെന്ന റിപ്പോർട്ടിൻ്റെ അടിസ്ഥാനത്തിൽ ഗ്രാമ പഞ്ചായത്ത് ഫണ്ട് വെച്ച് നവീകരണ പ്രവൃത്തി തുടങ്ങാനിരിക്കേയാണ് അപകടമുണ്ടായതെന്ന് പ്രധാനാധ്യാപകൻ ഗിരീഷ് കുമാർ പറഞ്ഞു. നവീകരണ പ്രവൃത്തിയുടെ ടെണ്ടർ നടപടികൾ പൂർത്തിയായതാണെന്നും ഈ അവധിക്കാലത്ത് തന്നെ നവീകരണ പ്രവൃത്തി തുടങ്ങാൻ നടപടി സ്വീകരിച്ചിരുന്നുവെന്നും അദ്ദേഹം പറഞ്ഞു.
തുടർച്ച‍യായി പെയ്യുന്ന വേനൽ മഴയിൽ കഴിഞ്ഞ ദിവസങ്ങളിൽ പഞ്ചായത്തിലെ നിരവധി വീടുകൾക്ക് കേടുപാട് സംഭവിക്കുകയും കൃഷി നാശം സംഭവിക്കുകയും ചെയ്തിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.