നടന്നുപോകുകയായിരുന്ന ഗർഭിണിയെ കടന്നുപിടിച്ചു; അക്രമിക്കായി അന്വേഷണം

തിരുവനന്തപുരം: റോഡരികിലൂടെ നടന്നുപോകുകയായിരുന്ന ഗർഭിണിയായ യുവതിക്ക് നേരെ ആക്രമണം. തമ്പാനൂരിലാണ് സംഭവം. യുവതിയെ കടന്നുപിടിച്ച ശേഷം അക്രമി ഓടി രക്ഷപ്പെടുകയായിരുന്നു.

ഇന്ന് രാവിലെ 10.30ഓടെയായിരുന്നു സംഭവം. നെടുമങ്ങാട് സ്വദേശിനിയായ യുവതി ജോലി ചെയ്യുന്ന സ്ഥാപനത്തിലേക്ക് പോകാൻ ബസ് കയറാൻ നടക്കുന്നതിനിടെയായിരുന്നു അക്രമം.

സംഭവത്തിൽ യുവതി പൊലീസിൽ പരാതി നൽകി. 40 വയസ്സ് തോന്നിക്കുന്നയാളാണ് അക്രമിയെന്ന് യുവതി പൊലീസിനോട് പറഞ്ഞു.