കല്ലമ്പലം: ദിവസങ്ങൾക്ക് മുമ്പ് കാണാതായ യുവാവിൻെറ മൃതദേഹം പുരയിടത്തിൽ ജീർണിച്ച നിലയിൽ കണ്ടെത്തി. പേരേറ്റിൽ മൂങ്ങോട് പി.കെ.എസ് മന്ദിരത്തിൽ പരേതനായ സുധാകരൻെറ മകൻ ആർ.എസ്. ആദർശ് (46) ആണ് മരിച്ചത്. ഈ മാസം 11നാണ് കാണാതായത്. തൊഴിലുറപ്പ് തൊഴിലാളികൾ പുരയിടം വൃത്തിയാക്കുമ്പോൾ രൂക്ഷമായ ഗന്ധം അനുഭവപ്പെട്ടതിനെത്തുടർന്ന് പരിശോധന നടത്തിയപ്പോഴാണ് പിതാവിൻെറ കുഴിമാടത്തിന് സമീപം മൃതദേഹം കണ്ടത്. 11ന് രാവിലെ വീട്ടിൽ നിന്നിറങ്ങിയ ശേഷം മടങ്ങി വരാത്തതിനെത്തുടർന്ന് ബന്ധുക്കൾ കല്ലമ്പലം പൊലീസിൽ പരാതി നൽകിയിരുന്നു. പൊലീസ് കേസെടുത്ത് അന്വേഷിക്കുന്നതിനിടയിലാണ് ഇയാളെ മരിച്ച നിലയിൽ കാണുന്നത്. അവിവാഹിതനാണ്. പോസ്റ്റ്മോർട്ടം റിപ്പോർട്ട് വന്നാലെ കൂടുതൽ വിവരങ്ങൾ വ്യക്തമാകൂ എന്ന് കല്ലമ്പലം സി.ഐ എ. ഫറോസ് പറഞ്ഞു. മാതാവ് രാധാമണി. സഹോദരി: ആശ വിജയകുമാർ. adarsh46 klbm
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.