നെടുമങ്ങാട്: നിനച്ചിരിക്കാതെ മാതാവിനെ നഷ്ടപ്പെട്ടതേെട ആലംബമില്ലാതായ സഹപാഠിക്ക് വിദ്യാലയവും കൂട്ടുകാരും സമാഹരിച്ച തുക കൈമാറി. വാഹനാപകടത്തില്‍ മരിച്ച നെടുമങ്ങാട് നെട്ടയിലെ അഖിലയുടെ മകന്‍ ശ്രീഹരി ഋഷികേശിനാണ് സാമ്പത്തിക സഹായവുമായി ഉഴമലയ്ക്കല്‍ ശ്രീനാരായണ ഹയര്‍സെക്കൻഡറി സ്‌കൂള്‍ മുന്നിട്ടിറങ്ങിയത്. സ്കൂളിലെ ഒമ്പതാം ക്ലാസ് വിദ്യാര്‍ഥിയാണ് ശ്രീഹരി. പി.ടി.എയുടെ നേതൃത്വത്തില്‍ വിദ്യാർഥികള്‍, അധ്യാപകര്‍, മാനേജ്‌മൻെറ് എന്നിവ സമാഹരിച്ച രണ്ടുലക്ഷം രൂപ നെടുമങ്ങാട് മുനിസിപ്പല്‍ ചെയര്‍മാന്‍ ചെറ്റച്ചല്‍ സഹദേവന്‍ ശ്രീഹരിക്ക് കൈമാറി. മുനിസിപ്പല്‍ സ്റ്റാൻഡിങ് കമ്മിറ്റി അധ്യക്ഷന്മാരായ പി. ഹരികേശന്‍ നായര്‍, ഗീതാകുമാരി, മുനിസിപ്പല്‍ സെക്രട്ടറി സ്റ്റാലിന്‍ നാരായണന്‍, സ്‌കൂള്‍ മാനേജര്‍ ഉഴമലയ്ക്കല്‍ വേണുഗോപാല്‍, പി.ടി.എ പ്രസിഡൻറ് ബിജു, പി.ടി.എ എക്‌സിക്യൂട്ടിവ് കമ്മിറ്റി അംഗം ദീപു.എം, സ്റ്റാഫ് സെക്രട്ടറി അനില്‍കുമാര്‍, വാര്‍ഡ് അംഗം കെ.ജെ. ബിനു, അധ്യാപകരായ പി.എസ്. സന്തോഷ് കുമാര്‍, എ.പി. അരുണ്‍ എന്നിവര്‍ പങ്കെടുത്തു. കഞ്ചാവ് കേസിലെ പ്രതി അറസ്റ്റിൽ കല്ലമ്പലം: ഓട്ടോയിൽ കഞ്ചാവ് കടത്തിക്കൊണ്ടുവരവെ യുവാവിനെ വർക്കല സർക്കിൾ ഇൻസ്പെക്ടർ എം. നൗഷാദും സംഘവും അറസ്റ്റ് ചെയ്തു. വർക്കല തച്ചൻകോണം കൽപന മന്ദിരത്തിൽ നസീർ (45) ആണ് അറസ്റ്റിലായത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.