പട്ടാമ്പി: കെ.പി.സി.സി മുൻ നിർവാഹക സമിതി അംഗവും പട്ടാമ്പി നഗരസഭ കൗൺസിലറുമായ ടി.പി. ഷാജിയെ പാർട്ടിയിൽ തിരിച്ചെടുത്തതിൽ പ്രതിഷേധിച്ച് കോൺഗ്രസ് ഭാരവാഹികളുടെ കൂട്ടരാജി. നിരന്തരം പാർട്ടിക്ക് വെല്ലുവിളി ഉയർത്തുകയും എതിരാളികളുമായി ചേർന്ന് പ്രവർത്തിക്കുകയും ചെയ്തുവന്ന ഷാജിക്കെതിരെ എ-ഐ ഗ്രൂപ് വ്യത്യാസമില്ലാതെ ഡി.സി.സി-ബ്ലോക്ക്-മണ്ഡലം ഭാരവാഹികളാണ് കെ.പി.സി.സി പ്രസിഡൻറ് മുല്ലപ്പള്ളി രാമചന്ദ്രന് രാജിക്കത്ത് അയച്ചത്. നഗരസഭയിലെ ആറ് കൗൺസിലർമാരും രാജിവെക്കാൻ അനുമതി ചോദിച്ച് നേതൃത്വത്തിന് കത്ത് നൽകിയിട്ടുണ്ട്. പാർട്ടി വിരുദ്ധ പ്രവർത്തനം നടത്തിയതിന് വിവിധ ഘടകങ്ങളുടെ പരാതിയെ തുടർന്നാണ് എം.എം. ഹസൻ കെ.പി.സി.സി പ്രസിഡൻറ് ആയിരിക്കെ, ടി.പി. ഷാജിയെ പ്രാഥമിക അംഗത്വത്തിൽനിന്ന് പുറത്താക്കിയത്. ഭാരവഹികളുടെ രാജിക്കത്ത് സംബന്ധിച്ച് വിവരങ്ങൾ ആരായാൻ കെ.പി.സി.സി വൈസ് പ്രസിഡൻറ് സി.പി. മുഹമ്മദിനെ മുല്ലപ്പള്ളി രാമചന്ദ്രൻ ചൊവ്വാഴ്ച തിരുവനന്തപുരത്തേക്ക് വിളിപ്പിച്ചിട്ടുണ്ട്. --------------------- വായനശാല പ്രവർത്തനോദ്ഘാടനം മണ്ണൂർ: മണ്ണൂർ ഞാറക്കോട് വായനശാലയുടെ പ്രവർത്തനോദ്ഘാടനം കെ.വി. വിജയദാസ് എം.എൽ.എ നിർവഹിച്ചു. പഞ്ചായത്ത് പ്രസിഡൻറ് ഒ.വി. സ്വാമിനാഥൻ അധ്യക്ഷത വഹിച്ചു. അന്തരാഷ്ട്ര ഹൈക്ക് ഫിലിം ഫെസ്റ്റിവലിൽ അവാർഡ് നേടിയ നടൻ മുരളി മങ്കര, കേരള സംഗീത-നാടക അക്കാദമി അവാർഡ് ജേതാവ് കെ.വി. സജിത് എന്നിവരെ ഉപഹാരം നൽകി എം.എൽ.എ ആദരിച്ചു. ---------------------------------------
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.