മലപ്പുറം: കാര്‍ഷിക നിയമങ്ങള്‍ക്കെതിരെ സമരം നടത്തുന്ന കര്‍ഷകര്‍ക്ക് പിന്തുണ അറിയിച്ച് എസ്.എസ്.എഫ് സംസ്ഥാന കമ്മിറ്റിയുടെ നേതൃത്വത്തില്‍ 14, 15, 16 തീയതികളില്‍ പകലന്തി പ്രക്ഷോഭം സംഘടിപ്പിക്കുമെന്ന് ഭാരവാഹികൾ വാർത്തസമ്മേളനത്തിൽ അറിയിച്ചു. കക്കാട് ദേശീയപാതയോരത്ത് 48 മണിക്കൂര്‍ തുടര്‍ച്ചയായാണ് പ്രക്ഷോഭം നടക്കുക. ഇതിൻെറ ഭാഗമായി കൊണ്ടോട്ടി, മലപ്പുറം, മഞ്ചേരി, കോഴിക്കോട്, തിരുനാവായ, കോട്ടക്കല്‍, താനൂര്‍ എന്നിവിടങ്ങളില്‍നിന്ന് നൂറുകണക്കിന് പ്രവര്‍ത്തകര്‍ കാല്‍നടയായി സമരത്തിനെത്തും. സംസ്ഥാന പ്രസിഡൻറ് സി.കെ. റാശിദ് ബുഖാരി പതാക ഉയര്‍ത്തി പ്രക്ഷോഭം ഉദ്ഘാടനം ചെയ്യും. മന്ത്രി ഡോ. കെ.ടി. ജലീല്‍, എം.പിമാരായ എം.കെ. രാഘവന്‍, കെ.കെ. രാഗേഷ്, ടി.എന്‍. പ്രതാപന്‍ തുടങ്ങിയവര്‍ സംബന്ധിക്കും. വാര്‍ത്തസമ്മേളനത്തില്‍ സംസ്ഥാന സെക്രട്ടറി സി.എന്‍. ജാഫര്‍, സംസ്ഥാന സെക്രേട്ടറിയറ്റ് അംഗം മുഹമ്മദ് സഫ്‌വാന്‍, പ്രവര്‍ത്തക സമിതി അംഗങ്ങളായ ശബീറലി മഞ്ചേരി, യൂസുഫ് പെരിമ്പലം എന്നിവർ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.