ചെറുവത്തൂർ: ജില്ല പഞ്ചായത്തിൻെറ നേതൃത്വത്തിൽ കുട്ടമത്ത് ഗവ. ഹയർ സെക്കൻഡറി സ്കൂൾ വിദ്യാർഥികൾക്ക് പഠനവീട് തുടങ്ങി. കൊവ്വൽ എ.യു.പി സ്കൂളിലാണ് പഠനവീട് തുടങ്ങിയത്. എസ്.എസ്.എൽ.സി പൊതുപരീക്ഷയെഴുതുന്ന കുട്ടികളുടെ പഠനനിലവാരം ഉയർത്തുന്നതിനുള്ള പ്രാദേശിക പഠനകേന്ദ്രമാണ് പഠനവീട്. ദിവസവും വൈകീട്ട് ആറുമുതൽ ഒമ്പതുവരെയാണ് പഠനവീടിൻെറ പ്രവർത്തനം. നീലേശ്വരം ബ്ലോക്ക് പഞ്ചായത്തംഗം എം. കുഞ്ഞിരാമൻ ഉദ്ഘാടനം ചെയ്തു. പഞ്ചായത്തംഗം കെ.വി. ജാനകി അധ്യക്ഷത വഹിച്ചു. കുഞ്ഞിക്കണ്ണൻ, കെ. കൃഷ്ണൻ, എം. ദേവദാസ്, കെ. കൃഷ്ണൻ എന്നിവർ സംസാരിച്ചു. കുട്ടമത്ത് ഗവ. ഹയർ സെക്കൻഡറി സ്കൂൾ ഹെഡ്മാസ്റ്റർ കെ. ജയചന്ദ്രൻ സ്വാഗതവും കെ.വി. സത്യപാലൻ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.