കാഞ്ഞങ്ങാട്: അഴിമതിയാരോപണങ്ങളുടെ ഭാണ്ഡം ചുമക്കേണ്ട ഗതികേടിലാണ് പിണറായി സർക്കാറെന്ന് മുസ്ലിം ലീഗ് ദേശീയ ജനറൽ സെക്രട്ടറി പി.കെ. കുഞ്ഞാലിക്കുട്ടി എം.പി. ത്രിതല പഞ്ചായത്ത് തെരഞ്ഞെടുപ്പ് പ്രചാരണ പ്രവർത്തനങ്ങളുടെ ഭാഗമയി ആറങ്ങാടിയിൽ സംഘടിപ്പിച്ച യു.ഡി.എഫ് സ്ഥാനാർഥികളുടെ തെരഞ്ഞെടുപ്പ് പൊതുയോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. മുനിസിപ്പൽ മുസ്ലിം ലീഗ് പ്രസിഡൻറ് അഡ്വ. എൻ.എ. ഖാലിദ് അധ്യക്ഷത വഹിച്ചു. എൻ.എ. നെല്ലിക്കുന്ന് എം.എൽ.എ മുഖപ്രഭാഷണം നടത്തി. സ്ഥാനാർഥികളായ ടി. അസീസ്, കെ.കെ. ജാഫർ, ടി.കെ. സുമയ്യ, ടി. മുഹമ്മദ് കുഞ്ഞി, അബ്ദുൽ റഹിമാൻ സെവൻ സ്റ്റാർ തുടങ്ങിയവരെ സദസ്സിന് പരിചയപ്പെടുത്തി. മുസ്ലിം ലീഗ് ജില്ല പ്രസിഡൻറ് ടി.ഇ. അബ്ദുല്ല, മുസ്ലിം ലീഗ് ദേശീയ കൗൺസിൽ അംഗം എ. ഹമീദ് ഹാജി, ബ്ലോക്ക് കോൺഗ്രസ് പ്രസിഡൻറ് സി.വി. ബാലകൃഷ്ണൻ, ലീഗ് ജില്ല സെക്രട്ടറി കെ. മുഹമ്മദ് കുഞ്ഞി, മണ്ഡലം മുസ്ലിം ലീഗ് പ്രസിഡൻറ് എം.പി. ജാഫർ, കോൺഗ്രസ് മണ്ഡലം പ്രസിഡൻറ് കെ.പി. ബാലകൃഷ്ണൻ, കാഞ്ഞങ്ങാട് മണ്ഡലം മുസ്ലിം ലീഗ് ജനറൽ സെക്രട്ടറി വൺ ഫോർ അബ്ദുറഹ്മാൻ, യു.ഡി.എഫ് നേതാക്കളായ വി. ഗോപി, ബഷീർ ആറങ്ങാടി, ഇ.കെ.കെ. പടന്നക്കാട്, സി.കെ. റഹ്മത്തുള്ള, തെരുവത്ത് മൂസ, എം.കെ. അബ്ദുൾ റഷീദ്, ഫാറൂഖ് മാണിക്കോത്ത്, ഹക്കിം മീനാപ്പീസ്, ഇബ്രാഹിം കുട്ടി, എം.കെ. ലത്തീഫ്, എം. സൈനുദ്ദീൻ, എം. ബഷീർ തുടങ്ങിയവർ സംസാരിച്ചു. ടി. റംസാൻ സ്വാഗതവും സി.എച്ച്. ഹമീദ് ഹാജി നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.