രാജപുരം: ത്രിതല പഞ്ചായത്ത് തെരഞ്ഞെടുപ്പിൽ മലയോര മേഖലയായ കള്ളാറിൽ സഹപാഠികൾ പോരാട്ടത്തിന്. ജില്ല പഞ്ചായത്ത് കള്ളാർ ഡിവിഷനിൽ ഡി.സി.സി ജനറൽ സെക്രട്ടറിയായ വിനോദ് കുമാർ പള്ളയിൽവീട് ജനവിധി തേടുമ്പോൾ ഇതേ ഡിവിഷനിൽപെട്ട ബളാൽ ബ്ലോക്ക് പഞ്ചായത്ത് ഡിവിഷനിൽ യു.ഡി.എഫ് സ്ഥാനാർഥിയായി ജനവിധി തേടുന്നത് സഹപാഠിയായ സി. രേഖ. രണ്ടുപേരും 1984 മുതൽ 1989 വരെ പുല്ലൂർ ഗവ. യു.പി സ്കൂളിലും ഉദയനഗർ ഹൈസ്കൂളിലും ഒരുമിച്ച് പഠിച്ചവർ. രണ്ടുപേരും മുൻ പഞ്ചായത്ത് അംഗങ്ങൾ. വിനോദ് കുമാർ രണ്ടുതവണ പുല്ലൂർ-പെരിയ ഗ്രാമപഞ്ചായത്തിൽ സ്റ്റാൻഡിങ് കമ്മിറ്റി ചെയർമാനായും അംഗമായും പ്രവർത്തിച്ചുവെങ്കിൽ, രേഖ കള്ളാർ പഞ്ചായത്ത് മുൻ അംഗമാണ്. തെരഞ്ഞെടുപ്പ് വിജയത്തിൻെറ കാര്യത്തിൽ രണ്ടുപേരും ശുഭപ്രതീക്ഷയിലാണ്. sahapadikal സഹപാഠികളായ വിനോദ്കുമാർ പള്ളയിൽവീടും സി. രേഖയും
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.