തളിപ്പറമ്പ്: ഭരണപക്ഷ സംഘടനയിൽപെട്ട ജീവനക്കാർക്കു മാത്രം ഇഷ്ടത്തിനനുസരിച്ച് സ്ഥലംമാറ്റം നൽകി പൊതു വിദ്യാഭ്യാസ ഡയറക്ടർ ഇറക്കിയ ഉത്തരവിനെതിരെ കേരള എൻ.ജി.ഒ അസോസിയേഷൻ തളിപ്പറമ്പ് ബ്രാഞ്ച് കമ്മിറ്റിയുടെ ആഭിമുഖ്യത്തിൽ തളിപ്പറമ്പ് ജില്ല വിദ്യാഭ്യാസ ഓഫിസിനുമുന്നിൽ പ്രതിഷേധ നടത്തി. പൊതു വിദ്യാഭ്യാസ വകുപ്പിൽ മിനിസ്റ്റീരിയൽ ജീവനക്കാർക്ക് ഓൺലൈനായി സ്ഥലം മാറ്റങ്ങൾ നടപ്പാക്കണമെന്ന സർക്കാർ ഉത്തരവും ട്രൈബ്യൂണൽ വിധിയും നിലനിൽക്കെ ഇറക്കിയ ഉത്തരവ് റദ്ദ് ചെയ്യണമെന്നാവശ്യപ്പെട്ടായിരുന്നു നടത്തിയത്. സംസ്ഥാന കമ്മിറ്റിയംഗം പി.സി. സാബു ഉദ്ഘാടനം ചെയ്തു. ബ്രാഞ്ച് പ്രസിഡൻറ് എം. സനീഷ് അധ്യക്ഷത വഹിച്ചു. ബ്രാഞ്ച് സെക്രട്ടറി ജസ്റ്റിൻ വർഗീസ് സ്വാഗതം പറഞ്ഞു. ജില്ല ട്രഷറർ കെ.വി. മഹേഷ്, ജില്ല വൈസ് പ്രസിഡൻറ് പി.വി. വിനോദ്, ആർ. ബിജു, കെ.വി.ടി. അബ്ദു, ടി.പി. ജിഷ്ണു, പി.പി. അഷ്റഫ്, വി.വി. ശ്രീകാന്ത് തുടങ്ങിയവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.