നടുവിൽ: സി.പി.എം പ്രവർത്തകരുടെ ആക്രമണത്തിൽ വെൽഫെയർ പാർട്ടി നേതാക്കൾക്ക് സാരമായി പരിക്കേറ്റു. ഒടുവള്ളിത്തട്ട് ചെങ്ങറ കോളനിക്ക് സമീപത്ത് ബുധനാഴ്ച വൈകീട്ടായിരുന്നു അക്രമം. വെൽഫെയർ പാർട്ടി ജില്ല സെക്രട്ടറി കെ.പി. മുനീർ, ഇരിക്കൂർ നിയോജക മണ്ഡലം ട്രഷറർ സി.എച്ച്. മൂസാൻ എന്നിവർക്കാണ് പരിക്കേറ്റത്. ഇവരെ തളിപ്പറമ്പ് ലൂർദ് ആശുപത്രിയിൽ പ്രവേശിപ്പിച്ചു. ചെങ്ങറ കോളനി വാസികൾക്ക് നേരത്തെ ഭീഷണിയുണ്ടായിരുന്നു. ഇതുസംബന്ധിച്ച് ഇവർ രാവിലെ ജില്ല കലക്ടർക്കും ജില്ല പൊലീസ് മേധാവിക്കും പരാതി നൽകിയിരുന്നു. ഭീഷണി സംബന്ധിച്ച് അന്വേഷിക്കുന്നതിനാണ് ഇരുവരും ചെങ്ങറ കോളനിയിൽ എത്തിയത്. ജില്ല പ്രസിഡൻറ് സൈനുദ്ദീൻ കരിവെള്ളൂർ, ജനറൽ സെക്രട്ടറി ഫൈസൽ മാടായി, വൈസ് പ്രസിഡൻറ് ഷാഹിന ലത്തീഫ്, ജില്ല സെക്രട്ടറി സി. മുഹമ്മദ് ഇംതിയാസ് എന്നിവർ പരിക്കേറ്റവരെ ആശുപത്രിയിൽ സന്ദർശിച്ചു. സംഭവത്തിൽ ജില്ല പ്രസിഡൻറ് സൈനുദ്ദീൻ കരിവെള്ളൂർ പ്രതിഷേധിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.