പഴയങ്ങാടി: ഏഴോം ഗ്രാമ പഞ്ചായത്തിലെ പഴയങ്ങാടി വാർഡിൽ നിന്ന് ജനവിധി തേടുന്ന എൽ.ഡി.എഫ് സ്ഥാനാർഥി പി.കെ.വിശ്വനാഥൻ മാസ്റ്റർക്ക് ആശംസകൾ നേർന്ന് ഡി.എം.കെ പ്രവർത്തകരായ തമിഴ്നാട്ടുകാരുടെ ബോർഡ്. സാമൂഹിക മേഖലകളിൽ സജീവമായി ഇടപെടുന്ന വിശ്വനാഥൻ മാസ്റ്റർക്ക്, വർഷങ്ങൾക്കു മുമ്പേ തമിഴ്നാട്ടിൽ നിന്ന് ആക്രി കച്ചവടത്തിനും വിറകുവെട്ടുന്നതിനുമടക്കമുള്ള ജോലിക്കെത്തിയ നിരവധി അയൽ സംസ്ഥാന തൊഴിലാളികളുമായുള്ള ആത്മബന്ധവും ഈ തൊഴിലാളികളുടെ രാഷ്ട്രീയ ബന്ധവുമാണ് ബോർഡ് സ്ഥാപിക്കുന്നതിന് പ്രചോദനമായത്. തമിഴ്നാടിലെ കല്ലിക്കുറിശ്ശി ലക്ഷ്യയം ഗ്രാമ പഞ്ചായത്തിലെ എട്ട് പേരാണ്, ഏഴോം പഞ്ചായത്തിലേക്ക് മത്സരിക്കുന്ന സി.പി.എം സ്ഥാനാർഥിയുടെ വലിയ ചിത്രത്തോടൊപ്പം ഡി.എം.കെ ജനറൽ സെക്രട്ടറി എം.കെ. സ്റ്റാലിൻെറ ചിത്രവും വിന്യസിച്ച് 'നൽ വാഴ്തുകൾ' അർപ്പിച്ച് ബോർഡ് സ്ഥാപിച്ചത്. സ്വാമി ദുരൈ ,മതേശ്വരൻ, ശെൽവി പെരിയമ്മാൾ, കണ്ണൻ, മാരിമുത്തു തുടങ്ങിയ സുഹൃത്തുക്കളുടെ ചിത്രവും ബോർഡിൽ വിന്യസിച്ചിട്ടുണ്ട്. ഇവരെല്ലാവരും ലക്ഷ്യയം ബ്രാഞ്ചിലെ ഡി.എം.കെ പ്രവർത്തകരുമാണ്. ഡി.എം.കെയുടെ പതാകയും ബോർഡിൽ ആലേഖനം ചെയ്തിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.